Vijay Devarakonda: టాలీవుడ్ యంగ్ హీరో విజయ్ దేవరకొండ ప్రధాన పాత్రలో గౌతమ్‌ తిన్ననూరి దర్శకత్వంలో తెరకెక్కుతున్న తాజా సినిమా ‘విడి 12’ (వర్కింగ్ టైటిల్). ఫార్చ్యూన్‌ ఫోర్‌ సినిమాస్‌ తో కలిసి సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ, సాయి సౌజన్య ఈ సినిమాను నిర్మిస్తున్నారు. శ్రీకర స్టూడియోస్‌ సమర్పిస్తోంది.ఇటీవలే షూటింగ్ ను ప్రారంభించిన ఈ సినిమా యూనిట్… శ్రీలంకలోని కీలక సన్నివేశాలను చిత్రీకరించినట్లు తెలుస్తోంది. ఈ సినిమాకు మ్యూజిక్ సన్సేషన్ అనిరుధ్ రవిచంద్రన్ సంగీతం అందిస్తుండగా సినిమాటోగ్రాఫర్ గా గిరీశ్ గంగాధరన్, ఎడిటర్ గా నవీన్ నూలి, ఆర్ట్ డైరెక్టర్ గా అవినాష్ కొల్లా పనిచేస్తున్నారు.
Vijay Devarakonda Movie Updates
యాక్షన్ డ్రామాగా తెరకెక్కిస్తున్న ఈ సినిమాకు సంబంధించి కీలకమైన అప్ డేట్ ఇచ్చింది చిత్ర యూనిట్. లైగర్ సినిమాతో విజయ్ దేవరకొండ(Vijay Devarakonda) పాన్ ఇండియా హీరోగా మారడంతో… ‘విడి 12’ సినిమాపై అంచనాలు అమాంతంగా పెరిగిపోయాయి. ఈ నేపథ్యంలో ఈ సినిమాను వచ్చే వేసవి సందర్భంగా మార్చి 28న చిత్రాన్ని ప్రేక్షకుల ముందుకు తీసుకొస్తున్నట్టు చిత్రవర్గాలు శుక్రవారం ప్రకటించాయి. ‘‘గాఢతతో కూడిన యాక్షన్ డ్రామాగా రూపొందుతున్న చిత్రమిది. థియేటర్లలో ప్రేక్షకులకు సరికొత్త అనుభూతిని పంచడమే లక్ష్యంగా రూపొందుతోంది. ఇప్పటికే 60 శాతం చిత్రీకరణ పూర్తయింది. ఈ నెలలోనే సినిమా పేరుతోపాటు, ఫస్ట్‌ లుక్ ని విడుదల చేస్తామని తెలుపుతూ చిత్ర యూనిట్ ఓ ప్రత్యేకమైన పోస్టర్ ను విడుదల చేసింది. ప్రస్తుతం ఆ పోస్టర్ నెట్టింట వైరల్ గా మారుతోంది.
Also Read : Thalapathy Vijay: దళపతి విజయ్ ‘గోట్‌’ సినిమా నుండి స్పార్క్ లిరికల్ సాంగ్ రిలీజ్ !