Victory Venkatesh: ఈవీవీ సత్యనారాయణ తరువాత తన సినిమాలల్లో కామెడీకు అధిక ప్రాధాన్యమిచ్చే యువ దర్శకుడు అనిల్ రావిపూడి. విక్టరీ వెంకటేష్, వరుణ్ తేజ్, తమన్నా భాటియా, మెహ్రీన్ పీర్జాడ, ప్రధాన పాత్రల్లో అనిల్ రావిపూడి దర్శకత్వంలో తెరకెక్కించిన ‘ఎఫ్‌ 2’, ‘ఎఫ్‌ 3’ సినిమాలు బాక్సాఫీసు ముందు కలెక్షన్ల వర్షం కురిపించాయి. ఈ నేపథ్యంలో హీరో వెంకటేష్ తో మరో సినిమా చేస్తున్నట్లు దర్శకుడు అనిల్ రావిపూడి గతంలో ప్రకటించిన విషయం తెలిసిందే. ‘దిల్‌’ రాజు సమర్పణలో శిరీష్‌ ఈ సినిమాను నిర్మిస్తున్నట్లు ప్రకటించారు.
Victory Venkatesh Movie Updates
ఓ మాజీ పోలీసాఫీసర్, అతని భార్య, ఆ పోలీసు ఆఫీసర్‌ మాజీ ప్రేయసి… ప్రధానంగా ఈ మూడు పాత్రల నేపథ్యంలో సాగే క్రైమ్‌ కామెడీ థ్రిల్లర్‌గా ఈ సినిమా తెరకెక్కనున్నట్లు సమాచారం. ఈ సినిమాను వచ్చే 2025 సంక్రాంతికి రిలీజ్‌ చేస్తామని ఆల్రెడీ యూనిట్‌ ప్రకటించింది. ఈ నేపథ్యంలోనే ఈ సినిమా రెగ్యులర్‌ షూటింగ్‌ ను జూలై చివర్లో లేదా ఆగస్టు మొదటి వారంలో ప్రారంభించడానికి సన్నాహాలు చేస్తున్నారని సమాచారం. ప్రస్తుతం ‘రానా నాయుడు’ వెబ్‌ సిరీస్‌ సెకండ్‌ సీజన్‌ షూటింగ్‌ తో బిజీగా ఉన్న వెంకటేశ్‌… ఆ సిరీస్‌ చిత్రీకరణ పూర్తయ్యాక అనిల్ రావిపూడి డైరెక్షన్‌ లోని సినిమా సెట్స్‌లోకి ఎంట్రీ ఇస్తారని సమాచారం. వెంకటేష్(Victory Venkatesh) అంటే అనిల్ రావిపూడికి ప్రత్యేకమైన అభిమానం. ఇటీవల ఓ సినిమా ప్రీరిలీజ్ ఈవెంట్, డైరెక్టర్స్ డే సెలబ్రేషన్స్ లో వెంకటేష్ పాటకు… అనిల్ రావిపూడి ప్రత్యేకంగా స్టెప్పులు వేసిన సంగతి తెలిసిందే. ఈ నేపథ్యంలో వెంకీ-అనిల్ కాంబినేషన్ లో వచ్చే ఈ సినిమాలో కూడా అటువంటి సర్ ప్రైజ్ ఉంటుందని… వెంకీ అభిమానులు ఆశక్తిగా ఎదురుచూస్తున్నారు.
Also Read : Nayanthara: కొత్త దర్శకుడిని పరిచయం చేస్తున్న లేడీ సూపర్ స్టార్ నయనతార ?