వరుణ్-లావ్ కు బాలకృష్ణ స్పెషల్ గిఫ్ట్
VarunLav : మెగా ప్రిన్స్ వరుణ్ తేజ్, ప్రముఖ హీరోయిన్ లావణ్య త్రిపాఠి ఓ ఇంటివారయ్యారు. ఇటలీలోని టస్కానీ వేదికగా ఇరుకుటుంబ సభ్యులు, సన్నిహితులు, స్నేహితుల మధ్య ఘనంగా వివాహం చేసుకున్న ఈ జంట ఇటీవల హైదరాబాద్ లో ఎన్ కన్వెన్షన్ సెంటర్ లో గ్రాండ్ గా వెడ్డింగ్ రిసెప్షన్ నిర్వహించారు. ఈ రిసెప్షన్ కు టాలీవుడ్, కోలీవుడ్, బాలీవుడ్ ప్రముఖులు యువ నటీనటులు హాజరయి నూతన వధూవరులను ఆశ్వీరదించారు. ఇప్పటికే వరుణ్ తేజ్-లావణ్య త్రిపాఠి రిసెప్షన్ ఫోటోలు సోషల్ మీడియాలో చక్కర్లు కొడుతున్నాయి.
ఇదిలా ఉంటే.. వరుణ్(Varun) లావణ్య త్రిపాఠి దంపతులకు వచ్చిన గిఫ్ట్ పై ఇప్పుడు సోషల్ మీడియాలో చర్చ జరుగుతోంది. ముఖ్యంగా నందమూరి నట సింహాం బాలయ్య బాబు పంపించిన గిఫ్ట్ చూసి నవ దంపతులతో పాటు మెగా కుటుంబం మొత్తం ఫిదా అయ్యారని జోరుగా టాక్ నడుస్తోంది. ఇక బాలయ్య బాబు పంపిన గిఫ్ట్ విషయానికి వస్తే… బాలకృష్ణ ప్రత్యేకంగా వెంకటేశ్వరస్వామి ఫోటోను చేయించి వరుణ్- లావణ్యల వెడ్డింగ్ కానుకగా పంపించారట. బాలయ్య పంపించిన గిఫ్ట్ కు నాగబాబు ఫ్యామిలీ చాలా ఆనందం వ్యక్తం చేసారనే టాక్ వినిపిస్తుంది.
VarunLav – బాలయ్య స్పెషల్ గిఫ్ట్ ఇదే..
నందమూరి బాలకృష్ణ తలుచుకుంటే తన స్థాయికి తగ్గట్లు కోట్లు విలువ చేసే కానుకను ఇవ్వొచ్చు. కానీ, స్పెషల్ గా వెంకటేశ్వర స్వామి ఫోటోనే డిజైన్ చేయించి పంపారు. అయితే బాలయ్య వెంకటేశ్వర స్వామి ఫోటో పంపడం వెనుక ఓ బలమైన కారణమే ఉందనే టాక్ నడుస్తోంది. నాగబాబు, ఆయన సతీమణి పద్మజ వెంకటేశ్వర స్వామికి పరమ భక్తులట. అలాగే వరుణ్ తేజ్ కూడా వెంకటేశ్వర స్వామిని బాగా విశ్వసిస్తాడట. ఈ విషయం తెలుసుకున్న బాలయ్య వెంటనే వాళ్లకు ఇష్టమైన దేవుడినే ఇంటికి పంపించారు. అంతేకాదు న్యూలీ మ్యారీడ్ కపుల్ కు తన ఆశీర్వాదాలు తెలుపుతూ ఓ గ్రీటింగ్ కార్డును సైతం సెండ్ చేశారట.
Also Read : Kamal Hasan: కమల్-మణిరత్నం సినిమా ఫస్ట్ లుక్ రిలీజ్