Varun Tej : ఏడాదికి ఒక సినిమాలో నటిస్తున్న మెగా ప్రిన్స్ వరుణ్ తేజ్(Varun Tej) 2022లో వచ్చిన F3 ఫన్ అండ్ ఫ్రస్ట్రేషన్ సినిమాతో హిట్ కొట్టాడు. అయితే ఆ తర్వాత 2023లో విడుదలైన ‘గాంధీవధారి అర్జున’, 2024లో విడుదలైన ‘ఆపరేషన్‌ వాలెంటైన్‌’ చిత్రాలు ఎలాంటి ముద్ర వేయలేకపోయాయి.
Varun Tej Movie Updates
వరుణ్ తేజ్ ప్రస్తుతం తన తదుపరి చిత్రం ‘మట్కా’పైనే ఆశలు పెట్టుకున్నారు. ఈ సినిమా మూడో షెడ్యూల్ షూటింగ్ త్వరలో ప్రారంభం కానుంది. పాతకాలపు డ్రామాగా తెరకెక్కనున్న ఈ సినిమా కోసం వరుణ్ తేయ్ తన లుక్ పూర్తిగా మార్చుకోనున్నారు. సినిమాలో తన పాత్ర కోసం జుట్టు, గడ్డం కూడా పెంచనున్నాడట.
ప్రముఖ దర్శకుడు కరుణ కుమార్ ఈ చిత్రానికి దర్శకత్వం వహిస్తున్నారు. తాజా సమాచారం ప్ర‌కారం ఈ సినిమా హీరోయిన్ల‌పై ఇంట్రెస్టింగ్ న్యూస్ సోష‌ల్ మీడియాలో హ‌ల్ చ‌ల్ చేస్తోంది. ఈ చిత్రంలో మీనాక్షి చౌదరి కథానాయికగా నటిస్తోంది. ఇది అందరికీ తెలిసిందే. ఈ సినిమాలో నోరా ఫతేహి కూడా ఓ ముఖ్య పాత్రలో నటిస్తుందని కొందరు అంటున్నారు. మొదట్లో ఈమె ఐటెం సాంగ్‌లో మాత్రమే కనిపిస్తుందని అందరూ అనుకున్నారు.. అయితే ఈ సినిమాలో ఆమె కూడా ఓ పెద్ద పాత్రలో నటిస్తుందని తెలుస్తోంది.
నోరా ఫతేహి తన పాత్ర చిత్రీకరణ కోసం 36 రోజుల కాల్షీట్ ఇచ్చిందట. ఇది నిజమే అయితే ఈ సినిమాలో మరియాద రామన్న ఫేమ్ సలోని కూడా మరో ముఖ్య పాత్రలో కనిపించనుందని సమాచారం. అయితే ఈమె ఈ సినిమాలో వరుణ్ తేజ్‌తో రొమాన్స్ చేయడమే కాకుండా కథకు రాజకీయ కోణం కూడా ఉంటుంది. మరి ముగ్గురు హీరోయిన్లతో పాటు వరుణ్ తేజ్ ఈ సినిమాతో ఎలాంటి విజయాన్ని అందుకుంటాడో వేచి చూడాలి.
Also Read : Upasana : రాష్ట్రపతి ద్రౌపది ముర్మును కలిసిన రామ్ చరణ్ భార్య ఉపాసన