Viraji : గత కొంత కాలంగా సినిమాలకు దూరంగా ఉన్న హీరో వరుణ్ సందేశ్ ఇప్పుడు బ్యాక్ టు బ్యాక్ సినిమాలు చేస్తున్నారు. ఇటీవలే ‘నింద’ సినిమాతో రీఎంట్రీ ఇచ్చాడీ హ్యాండ్సమ్ హీరో. గతంలో కంటే ఎంతో భిన్నంగా ఈ సినిమాలో కనిపించాడు వరుణ్ సందేశ్. తన నటనతో విమర్శకుల ప్రశంసలు అందుకున్నాడు. సినిమాకు కూడా పాజిటివ్ టాక్ వచ్చింది. ఆ వెంటనే విరాజి(Viraji) అంటూ మరో డిఫరెంట్ సినిమాతో ముందుకొచ్చాడీ ట్యాలెంటెడ్ హీరో. ఆద్యంత్ హర్ష తెరకెక్కించిన సస్పెన్స్ థ్రిల్లర్ మూవీలో ప్రమోదిని, రఘు కారు మంచి ప్రధాన పాత్రలు పోషించారు. ఆగస్టు 02న థియేటర్లలో విడుదలైన ఈ సినిమాకు పాజిటివ్ రెస్పాన్స్ వచ్చింది.
ముఖ్యంగా ఆండీ పాత్రలో గతంలో కంటే ఎంతో డిఫరెంట్ గా కనిపించాడు వరుణ్ సందేశ్. థియేటర్లలో ఆడియెన్స్ మెప్పు పొందిన విరాజి(Viraji) సినిమా ఇప్పుడు డిజిటల్ స్ట్రీమింగ్ కు సిద్ధమైంది. ప్రముఖ తెలుగు ఓటీటీ ప్లాట్ ఫామ్ ఆహా ఈ సినిమా డిజిటల్ స్ట్రీమింగ్ రైట్స్ ను సొంతం చేసుకుంది. ఈ నేపథ్యంలో ఆగస్టు 22 నుంచి విరాజి సినిమాను స్ట్రీమింగ్ క తీసుకొస్తున్నట్లు అధికారికంగా ప్రకటించింది. ‘ చుట్టూ పిచ్చి ప్రపంచం. బయటపడతాడా? భయపెడతాడా?’ అంటూసోషల్ మీడియాలో విరాజి సినిమా పోస్టర్ ను కూడా షేర్ చేసింది. కాగా థియేటర్లలో రిలీజైన 20 రోజులకే ఈ సినిమా ఓటీటీలోకి రావడం గమనార్హం.
Viraji Movie OTT Updates
మహా మూవీస్, ఎమ్ 3 మీడియా పతాకంపై మహేంద్ర నాథ్ కూండ్ల నిర్మించిన విరాజి సినిమాలో రెండు డిఫరెంట్ లుక్స్‌తో కనిపించి ప్రేక్షకులను ఆకట్టుకున్నాడు వరుణ్ సందేశ్. అలాగే బలగం జయరామ్, వైవా రాఘవ, రవితేజ నన్నిమాల, కాకినాడ నాని, ఫణి ఆచార్య, అపర్ణాదేవి, కుశాలినీ పులపా,ప్రసాద్ బెహరా తదితరులు తమ పాత్రలతో మెప్పించారు. ఇక విరాజి సినిమా కథ విషయానికి వస్తే.. సస్పెన్స్ థ్రిల్లర్ నేపథ్యంతో ఓ పాత పిచ్చాసుపత్రిలో జరిగే కథ ఇది. అనుకోని రీతిలో కొందరు యువకులు ఆ ఆస్పత్రికి వెళ్తారు. అదే సమయంలో ఆండీ (వరుణ్ సందేశ్) రాకతో వాళ్ల జీవితాల్లో ఊహించని మార్పలు చోటు చేసుకుంటాయి. అవేంటో తెలుసుకోవాలంటే విరాజి సినిమాను చూడాల్సిందే.
Also Read : Susheela : ఆసుపత్రి నుంచి డిష్ ఛార్జ్ అయిన గాయని పి సుశీల