Varun Sandesh: ప్రస్తుతం కంటెంట్, కాన్సెప్ట్ ఓరియెంటెడ్ సినిమాల్ని ప్రేక్షకులు బ్రహ్మరథం పడుతున్నారు. ఈ క్రమంలోనే సినిమాలో స్టార్స్ ఉన్నారా లేదా అనేది అస్సలు పట్టించుకోవట్లేదు. మంచి కథ ఉంటే చాలు థియేటర్, ఓటీటీ అని తేడా లేకుండా విజయాన్ని అందిస్తున్నారు. ప్రస్తుతం అలాంటి ఓ కొత్త కాన్సెప్ట్ తో వరుణ్ సందేశ్ వస్తున్నాడు. యదార్థ సంఘటనల ఆధారంగా తెరకెక్కించిన ‘నింద’ సినిమాతో ప్రేక్షకులను పలకరించబోతున్నారు. రాజేష్ జగన్నాథం దర్శక-నిర్మాతగా వ్యవహరించిన ఈ సినిమాకు సంబంధించిన పోస్టర్ ను హైదరాబాద్ లో విడుదల చేసారు. ప్రస్తుతం ఈ పోస్టర్ సోషల్ మీడియాలో వైరల్ గా మారుతోంది.
Varun Sandesh Movie Updates
కాండ్రకోట మిస్టరీ అనే క్యాప్షన్‌తో రాబోతోన్న ఈ సినిమా టైటిల్ పోస్టర్ లో… ఊరి వాతావరణం, చీకటి, గుడిసె, కత్తి పట్టుకున్న ఓ వ్యక్తి, కత్తి పట్టుకుని దుర్మార్గులను అంతం చేసేందుకు సిద్దంగా ఉన్నటువంటి న్యాయదేవత విగ్రహం ఇంట్రెస్టింగ్ అనిపిస్తున్నాయి. ఈ సినిమాని ఇప్పటికే ఇండస్ట్రీలోని పలువురు ప్రముఖులకు చూపించారు. వారంతా సినిమాను మెచ్చుకున్నారట. మంచి కాన్సెప్ట్‌తో చిత్రాన్ని తీశారని దర్శక నిర్మాతలని ప్రశంసించారట. ఇక ఈ మూవీ త్వరలోనే ప్రేక్షకుల ముందుకు రానుంది.
Also Read : Shah Rukh Khan: గురుశిష్యులుగా తండ్రీకూతుళ్లు షారూక్, సుహానా ఖాన్ లు ?