Varun Dhawan: వరుస సినిమాలతో బిజీగా ఉన్న బాలీవుడ్ స్టార్ హీరోల్లో వరుణ్ ధావన్ ఒకరు. ప్రస్తుతం ‘బేబీ జాన్‌’, ‘సన్నీ సంస్కారీ కీ తులసీ కుమారి’ సినిమాల్లో నటిస్తున్నారు. ఈ రెండు సినిమాలు ఇంకా షూటింగ్ దశలోనే ఉండగా… మరోసినిమాకు గ్రీన్ సిగ్నల్ ఇచ్చాడు వరుణ్ ధావన్. తన తండ్రి డేవిడ్ ధావన్ దర్శకత్వంలో ఓ సినిమా చేయడానికి సిద్ధమయ్యారు. ట్రైయాంగిల్ లవ్ స్టోరీతో కమర్షియల్‌ ఎంటర్‌ టైనర్‌ గా తెరకెక్కనున్న ఈ సినిమాలో వరుణ్ సరసన నటించేందుకు టాలీవుడ్‌ లో బ్యూటీల పేర్లు పరిశీలిస్తున్నట్లు సమాచారం.
Varun Dhawan Movie Updates
ముఖ్యంగా సీతారామం బ్యూటీ మృణాల్ ఠాకూర్, గుంటూరు కారం ఫేం శ్రీలీల పేర్లను చిత్ర యూనిట్ పరిశీలిస్తున్నట్లు బీటౌన్ వర్గాల సమాచారం. కొన్ని రోజుల కిత్రం సైఫ్‌ అలీఖాన్‌ కుమారుడు ఇబ్రహీం అలీఖాన్‌ ప్రధాన పాత్రలో రానున్న ‘డైలర్‌’లో శ్రీలీల నటించనుందని వార్తలొచ్చాయి. ఆ ప్రాజెక్టుతో బాలీవుడ్ ఎంట్రీ ఇస్తుందన్న శ్రీలీల ఇప్పడు వరుణ్‌తోనూ జతకట్టనున్నట్లు తెలుస్తోంది. మరి ఈ రెండు సినిమాల్లో ఏది మొదట పట్టాలెక్కనుందో.
Also Read : Maharaja OTT : ఓటీటీకి సిద్ధమవుతున్న విజయ్ సేతుపతి థ్రిల్లర్ మూవీ ‘మహారాజా’