Varsha HK: ప్రముఖ బుల్లితెర నటి హెచ్‌ కే వర్ష త్వరలోనే వివాహబంధంలోకి అడుగుపెట్టనుంది. నటుడు, తన ప్రియుడు కౌశిక్ నాయుడితో ఎంగేజ్‌మెంట్‌ చేసుకుంది. ప్రేమ ఎంత మ‌ధురం అనే సీరియల్‌తో టాలీవుడ్‌ లో గుర్తింపు తెచ్చుకున్న కన్నడ భామ… శాండల్వుడ్ లోనూ పలు సీరియల్స్‌లో కనిపించింది. వీరి నిశ్చితార్ధ వేడుకకు సంబంధించిన ఫోటోలను సోషల్ మీడియాలో పోస్ట్ చేసారు. దీనితో కాబోయే దంపతులకు అభిమానులు, సన్నిహితులు శుభాకాంక్షలు తెలుపుతున్నారు. ప్రస్తుతం వీరి నిశ్చితార్థ వేడుకకు సంబంధించిన ఫోటోలు సోషల్ మీడియాలో వైరల్ గా మారాయి.
Varsha HK Got Engaged
వర్షకు కాబోయే భర్త కౌశిక్ నాయుడు సైతం కన్నడలో సీరియల్స్‌లో నటించారు. వీరిద్దరి మధ్య పరిచయం కాస్తా ప్రేమకు దారితీసింది. దీంతో పెళ్లి చేసుకునేందుకు రెడీ అయ్యారు. ప్రేమ ఎంత మ‌ధురం అనే సీరియ‌ల్‌ తో తెలుగు ఇండ‌స్ట్రీలోకి ప్రవేశించింది శాండల్వుడ్ బ్యూటీ వర్ష హెచ్‌కే. అంతకుముందు కన్నడలో నాగ‌మండ‌లం, క‌స్తూరి నివాస్, రాజారాణి సీరియ‌ల్స్ చేసింది. అంతే కాకుండా పలు షార్ట్ ఫిల్మ్స్ లోనూ న‌టించింది. ప్రస్తుతం కన్నడ, తెలుగు భాష‌ల్లో బుల్లితెరపై అభిమానులను అలరిస్తోంది.
Also Read : Telugu Television Producers Association: వరద బాధితులకు తెలుగు టెలివిజన్ ప్రొడ్యూసర్స్ అసోసియేషన్ విరాళం !