TUMMBAD: కొన్ని సినిమాలు బాక్సాఫీసు వద్ద ఘన విజయాన్ని సాధిస్తాయి. మరికొన్ని కంటెంట్ బాగున్నా థియేటర్లకు జనాల్ని రప్పించలేవు. కాని అవి డిజిటల్ మీడియాలో మాత్రం రికార్డులు సృష్టిస్తాయి. అటువంటి సినిమాల సరసన చేరుతుంది… 2018లో విడుదలై డిజాస్ట‌ర్‌గా నిలిచిన చిత్రం ‘తుంబడ్(TUMMBAD)’. రాహి అనిల్ బార్వే, అనిల్ గాంధీ దర్శకత్వంలో సోహుమ్ షా ప్రధాన పాత్రలో ఫోక్ హార్రర్ జోనర్‌ లో తెరెకెక్కిన ఈ సినిమా బాక్సాఫీస్ వద్ద ప్లాప్ గా నిలిచింది. అయితే ఆ తరువాత విమర్శకుల ప్రశంసలు అందుకున్న ఈ సినిమా ఓటీటీలో సూపర్ హిట్ గా నిలిచింది. ఓటీటీలో అనూహ్యంగా వీక్షకుల, విమ్మర్శకుల ప్రశంసలతో సరికొత్త బజ్ క్రియేట్ చేసింది. ఓ తరుణంలో ఆస్కార్ నామినేషన్స్‌కి ఈ సినిమాని పరిశీలించినా… జోయా అక్తర్ గల్లి బాయ్ ఆ అవకాశాన్ని కొల్లగొట్టింది.
TUMMBAD Movie Re-release..
అయితే టాలీవుడ్ లో ప్రారంభమైన సినిమాల రీ రిలీజ్ అనవాయితీ ఇటీవల బాలీవుడ్ కు చేరుకుంది. ఈ నేపథ్యంలో 2018లో విడుదలై డిజాస్ట‌ర్‌గా నిలిచిన చిత్రం ‘తుంబడ్(TUMMBAD)’ సినిమాను… చిత్ర యూనిట్ రీ రిలీజ్ చేసింది. ఇప్పుడు రీ రిలీజ్ లో ‘తుంబడ్’ సినిమా భారీ కలెక్షన్స్ కొల్లగొట్టడమే కాక సరికొత్త రికార్డులు తిర‌గ‌రాస్తోంది. ఇటీవల రీ రిలీజైన ఈ మూవీ 11 రోజుల్లోనే ఏకంగా 33 కోట్లు కొల్లగొట్టింది. ఇది రీ- రిలీజైన కలెక్షన్స్ లోనే అత్యధికం కావడం విశేషం. ఇది వరకు ఈ రికార్డ్ 33 కోట్లా ఫుల్ రన్ కలెక్షన్‌తో కోలీవుడ్ దళపతి విజయ్ గిల్లి సినిమాపై ఉంది. అయితే 11వ రోజే తుంబడ్ ఈ రికార్డ్‌ని బ్రేక్ చేసింది. 15 కోట్ల బడ్జెట్ తో తెరకెక్కించిన ఈ సినిమా 2018లో విడుదలై అదే 15 కోట్ల రూపాయల కలెక్షన్లను సాధించింది. కాని రీ రిలీజ్ లో మాత్రం కేవలం 11 రోజుల్లో ఏకంగా 33 కోట్లు వసూలు చేసి రికార్డు సృష్టించడమే కాకుండా నిర్మాతలకు కాసుల వర్షం కురిపించింది.
Also Read : Devara: రిలీజ్ కు ముందే మరో రికార్డు సృష్టించిన ఎన్టీఆర్‌ ‘దేవర’ !