Trisha: నాలుగు పదుల వయసుకు చేరువలో కూడా చెక్కు చెదని అందం… ప్రేక్షకులను మంత్ర ముగ్ధులను చేసే అభినయం… దక్షిణాది బాషల అగ్రనటి త్రిష సొంతం. త్రిష(Trisha) వెండితెరపైకి అడుగుపెట్టి ఇప్పటికే రెండు దశాబ్ధాలు పూర్తయినప్పటికీ… సినిమా ఆఫర్లను అందిపుచ్చుకోవడంతో నేటి తరం భామలకు పోటీగా నిలుస్తోంది. స్టార్ హీరోలకు దీటుగా వయసుతో పాటు క్రేజ్ ను పెంచుకున్న అతి కొద్దిమంది హీరోయిన్లలో ఒకరుగా త్రిష నిలుస్తోంది. ఇటీవల విక్రమ్ తో పొన్నియన్ సెల్వన్, విజయ్ తో లియో సినిమాల్లో నటించిన త్రిష… తాజాగా మెగాస్టార్ చిరంజీవితో విశ్వంభర, కమల్ హాసన్ తో థగ్స్ ఆఫ్ లైఫ్ సినిమాలో నటిస్తోంది. ఆ మధ్య మన్సూర్ ఆలీఖాన్, ఇటీవల అన్నా-డిఎంకే పార్టీ నాయకుడు ఏవీ రాజు… త్రిషపై చేసిన సంచలన వ్యాఖ్యలు ఈ అమ్ముడు క్రేజ్ ను మరింత పెంచేసాయి.
Trisha Movie Updates
ఒక వైపు హీరోయిన్ ఓరియంటెడ్ సినిమాలకు ప్రాధాన్యమిస్తూనే మరోవైపు స్టార్ హీరోలతో గ్లామర్ పాత్రలను చేస్తూ అభిమానులు మెప్పిస్తోన్న ఈ చెన్నై బ్యూటీ… విజయ్ సినిమాలో అతిథి పాత్రలో తళుక్కున మెరవనుందని సమాచారం. విజయ్ హీరోగా వెంకట్‌ ప్రభు దర్శకత్వంలో తెరకెక్కిస్తున్న సైన్స్‌ ఫిక్షన్‌ యాక్షన్‌ థ్రిల్లర్‌ ‘ది గ్రేటెస్ట్‌ ఆఫ్ ఆల్‌ టైమ్‌’ సినిమాలో త్రిష ఓ పాటతో పాటు కీలక పాత్రలో నటిస్తున్నట్లు తెలుస్తోంది. అంతేకాదు ఇటీవలే ఆమె ఈ చిత్ర బృందంతో కలిసి రెండు రోజులు షూట్‌లో పాల్గొన్నట్లు సమాచారం. ఈ సినిమాలో విజయ్ ద్విపాత్రాభినయం చేస్తుండగా… మీనాక్షి చౌదరి, ప్రశాంత్‌, ప్రభుదేవా, స్నేహా, లైలా ప్రధాన పాత్రల్లో నటిస్తున్నారు.
Also Read : Sreesanth: విలన్‌ గా టీమిండియా స్టార్ క్రికెటర్ ! సినిమా టీజర్ రిలీజ్ !