లోకేష్ క‌న‌గ‌రాజ్ ద‌ర్శ‌క‌త్వం వ‌హించిన లియోపై భారీ అంచ‌నాలు నెల‌కొన్నాయి. ఎక్క‌డ చూసినా ఈ మూవీ గురించిన చ‌ర్చ‌లు జ‌రుగుతున్నాయి. ముంద‌స్తు టికెట్ల అమ్మ‌కంలో ఏ సినిమా సాధించ‌ని క‌లెక్ష‌న్స్ ను వ‌సూలు చేసి రికార్డ్ బ్రేక్ చేసింది. ఏకంగా రూ. 100 కోట్ల‌కు పైగానే డ‌బ్బులు నిర్మాత‌కు వ‌చ్చిన‌ట్టు టాక్.
ఈ సినిమాకు సంబంధించి రిలీజ్ చేసిన పోస్ట‌ర్స్, టీజ‌ర్, ట్రైల‌ర్ కు ఆశించిన‌మేర స్పంద‌న రాక పోయినా వ‌సూళ్ల వ‌ర‌కు మాత్రం దుమ్ము రేపుతోంది. ఇక చాలా గ్యాప్ త‌ర్వాత అందాల తార త్రిష కృష్ణ‌న్ కు మ‌ణిర‌త్నం రూపంలో ల‌క్ ల‌భించింద‌ని చెప్ప‌క త‌ప్ప‌దు.
త‌ను , కార్తీ న‌టించిన చారిత్రాక నేప‌థ్యం క‌లిగిన సినిమా పొన్నియ‌న్ సెల్వ‌న్ లో త‌ళుక్కున మెరిసింది ఈ ముద్దుగుమ్మ. దీంతో సెకండ్ ఇన్నింగ్స్ అనుకోని రీతిలో మ‌లుపుతిప్పింది. ఆ త‌ర్వాత లోకేష్ తీసిన ప్ర‌స్తుత లియో చిత్రంలో ద‌ళ‌ప‌తి జోసెఫ్ విజ‌య్ తో కీల‌క రోల్ పోషించింది. ఇప్ప‌టికే ఈ చిత్రంపై భారీ అంచ‌నాలు పెట్టుకున్న‌ట్లు ప్ర‌క‌టించింది త్రిష కృష్ణ‌న్.
ఈ ఏడాది త‌న‌కు మంచి సినిమాలో న‌టించే ఛాన్స్ ఇచ్చినందుకు తాను లోకేష్ క‌న‌గ‌రాజ్ కు , స‌హ‌చ‌ర న‌టుడు జోసెఫ్ విజ‌య్ కు ధ‌న్య‌వాదాలు తెలియ చేసుకుంటున్న‌ట్లు తెలిపింది న‌టి.