Tripti Dimri: రణ్ బీర్ కపూర్, రష్మిక మందన్నా ప్రధాన పాత్రలో సందీప్ రెడ్డి వంగా దర్శకత్వంలో తెరకెక్కించిన బ్లాక్ బస్టర్ సినిమా ‘యానిమల్’ తో ఓవర్ నైట్ నేషనల్ క్రష్ గా మారింది త్రిప్తి డిమ్రీ(Tripti Dimri). ‘యానిమల్’ సినిమా తరువాత ఈ అమ్మడు వరుస అవకాశాలను అందుకుంటూ జోరుమీదుంది. ఇప్పుడీమె మరో కొత్త ప్రాజెక్టుకు పచ్చజెండా ఊపినట్లు తెలుస్తోంది. కోలీవుడ్ టాప్ హీరో ధనుష్ ‘తేరే ఇష్క్‌ మే’ అనే హిందీ చిత్రంలో నటిస్తున్న సంగతి తెలిసిందే. ఆనంద్‌ ఎల్‌ రాయ్‌ దీన్ని తెరకెక్కిస్తున్నారు. తాజాగా ఇందులో కథానాయికగా త్రిప్తిని ఖరారు చేసినట్లు సమాచారం.
Tripti Dimri Movies Update
‘‘రాంఝనా’ సినిమా లాంటి ఓ విషాద ప్రేమకథ తరహాలో దీన్ని తీర్చిదిద్దుతున్నారు. ఇందులో ధనుష్ ప్రియురాలిగా త్రిప్తి కనిపించనున్నట్లు సమాచారం. ఈ ప్రాజెక్టును ప్రకటించి ఏడాది కావొస్తున్నా… ధనుష్ ఇతర చిత్రాలతో బిజీగా ఉండడంతో నిర్మాణం ఆలస్యమైంది. ఈ ఏడాది అక్టోబరులో చిత్రీకరణను ప్రారంభించడానికి సన్నాహాలు చేస్తున్నారని ధనుష్ సన్నిహిత వర్గాలు తెలిపాయి. దీనితో త్రిప్తి డిమ్రిని ఈ అవకాశం వరిస్తే నక్కతోక తొక్కినట్లేనని అంతా భావిస్తున్నారు. ధనుష్ ప్రస్తుతం శేఖర్ కమ్ముల దర్శకత్వంలో కుబేర సినిమాలో నటిస్తున్నారు. ఈ సినిమాలో టాలీవుడ్ కింగ్ నాగార్జున కీలక పాత్ర పోషిస్తున్నారు.
Also Read : Nayanthara: మరోసారి మమ్ముట్టితో జత కట్టనున్న నయనతార !