Pawan Kalyan : జనసేన అధినేత పవన్ కళ్యాణ్ మరోసారి ఆంధ్రప్రదేశ్ అసెంబ్లీ ఎన్నికల బరిలోకి దిగారు. ఈసారి పిఠాపురం నియోజకవర్గంలో తన అదృష్టాన్ని పరీక్షించుకోనున్నారు. ఇందుకోసం నియోజకవర్గంలో పవన్ విస్తృత ప్రచారం నిర్వహిస్తున్నారు. అక్కడి ప్రజల్లో మంచి ముద్ర వేసేందుకు ప్రయత్నిస్తున్నారు. పిఠాపురంలో జనసేన అధినేతకు మద్దతుగా మెగా హీరోలు వైష్ణవ్ తేజ్, సాయిదుర్గ తేజ్, వరుణ్ తేజ్ లు కూడా వచ్చారు. జబర్దస్త్ కమెడియన్స్ సుధీర్, గెటప్ శీను, రామ్ ప్రసాద్, కమెడియన్ పృథ్వీ, మాజీ క్రికెటర్ అంబటి రాయుడు కూడా పవన్‌కు మద్దతుగా పిఠాపురం చేరుకున్నారు.
తాజాగా మెగాస్టార్ చిరంజీవి(Chiranjeevi) కూడా తన సోదరుడు పవన్ కళ్యాణ్‌ని గెలిపించి అసెంబ్లీలోకి పంపాలని కోరుతూ ఓ వీడియోను విడుదల చేశారు. ఈ వీడియో సోషల్ మీడియాలో వైరల్‌గా మారింది. ఆ వెంటనే నేచురల్ స్టార్ నాని కూడా సోషల్ మీడియాలో పవన్ కళ్యాణ్ కు మద్దతుగా ఓ పోస్ట్ పెట్టాడు. తాజాగా ఈ లిస్ట్ లో టాలీవుడ్ హీరోలు ఎక్కువ మంది చేరారు. పవన్ కళ్యాణ్ కు మద్దతుగా హనుమాన్ హీరో తేజ సజ్జ, రాజ్ తరుణ్ సోషల్ మీడియాలో పోస్ట్ చేశారు.
Pawan Kalyan Supporters
“మీ దార్శనికతను చూస్తూ ఆంధ్రప్రదేశ్ కోసం పోరాడుతున్నాను. లక్షలాది మంది ప్రజల్లాగే నాకూ చాలా అంచనాలు ఉన్నాయి. వారు ఉజ్వల భవిష్యత్తును అందించి, మార్పు తెస్తారని మేము ఆశిస్తున్నాము. “ప్రజలు ఇప్పుడు నిన్ను కోరుకుంటున్నారు” అంటూ పవన్ కళ్యాణ్‌ను ట్యాగ్ చేశాడు హీరో రాజ్ తరుణ్. ఇక హనుమాన్ హీరో తేజ సజ్జ ఇన్‌స్టాగ్రామ్‌లో ఇలా రాసాడు, “మనందరికీ త్వరలో పెద్ద రోజు రాబోతోంది. పవన్ కళ్యాణ్ సార్, దయచేసి మమ్మల్ని గర్వించండి. ప్రస్తుతం, ఈ యువ హీరోల ట్వీట్లు మరియు పోస్ట్‌లు.. ఇది సోషల్ మీడియాలో వేగంగా వ్యాపిస్తోంది.
Also Read : Bison Movie : విక్రమ్ తనయుడు ధృవ్, మారి సెల్వరాజ్ కాంబోలో రానున్న ‘బైసన్’ మూవీ