బాలీవుడ్ దిగ్గ‌జ న‌టుడు స‌ల్మాన్ ఖాన్ , క‌త్రీనా కైఫ్ క‌లిసి న‌టించిన టైగ‌ర్ -3 రిలీజ్ కు సిద్దంగా ఉంది. ఇవాళ మూవీ మేక‌ర్స్ సినిమాను వ‌చ్చే న‌వంబ‌ర్ 10న విడుద‌ల చేయ‌నున్న‌ట్లు పేర్కొన్నారు. దీనికి మ‌నీష్ శ‌ర్మ ద‌ర్శ‌క‌త్వం వ‌హించారు. ర‌చ‌న, స్క్రీన్ ప్లే శ్రీ‌ధ‌ర్ రాఘ‌వ‌న్ చేశారు.
అంకుర్ చౌద‌రి డైలాగులు రాశారు. క‌థ ఆదిత్య చోప్రా అందించారు. టైగ‌ర్ 3 చిత్రాన్ని ఆదిత్య చోప్రా నిర్మించారు. దీనిపై భారీ అంచ‌నాలు నెల‌కొన్నాయి.
ఈ మూవీలో ఇమ్రాన్ హ‌ష్మీ కీల‌క పాత్ర పోషించారు. అనాయ్ గోస్వామి ఛాయా గ్ర‌హ‌ణం అందించారు. ప్రీత‌మ్ సంగీతం అందించ‌గా త‌నూజ్ టికు బ్యాక్ గ్రౌండ్ స్కోర్ ఇచ్చారు. య‌ష్ రాజ్ ఫిలిమ్స్ పంపిణీ చేస్తోంది.
ఈ చిత్రానికి సంబంధించి 122 నిమిషాల నిడివి ఉండేలా తీర్చి దిద్దారు ద‌ర్శ‌కుడు మ‌నీష్ శ‌ర్మ. పాన్ ఇండియా మూవీగా రానుంది. హిందీ, తెలుగు, త‌మిళం భాష‌ల్లో రానుంది. మొత్తంగా ప్రాథ‌మిక అంచ‌నా ప్ర‌కారం ఈ సినిమా ఖ‌ర్చు దాదాపు రూ. 300 కోట్ల‌కు పైగా అయిన‌ట్లు టాక్.