టాలీవుడ్ లో మాస్ మ‌హ‌రాజా స్టైలే వేరు. యూత్ లో మంచి ఫ్యాన్ ఫాలోయింగ్ ఉంది. త‌ను శ్రీ‌లీల‌తో క‌లిసి ధ‌మాకా మూవీలో న‌టించాడు. ఇది బిగ్ హిట్ అయ్యింది. తాజాగా మ‌రోసారి త‌న స‌త్తా ఏమిటో చూపించేందుకు టైగ‌ర్ నాగేశ్వరరావు మూవీతో రాబోతున్నాడు. ఇందుకు సంబంధించిన పోస్ట‌ర్స్ ఆక‌ట్టుకునేలా ఉన్నాయి. ఇక సాంగ్ సూప‌ర్ అన్న టాక్ వినిపిస్తోంది.
టైగ‌ర్ నాగేశ్వ‌రరావుకు వంశీ కృష్ణ నాయుడు ద‌ర్శ‌క‌త్వం వ‌హిస్తున్నారు. ర‌చ‌న కూడా తానే. శ్రీ‌కాంత్ విస్సా ఈ సినిమాకు డైలాగులు రాశారు. అభిషేక్ అగ‌ర్వాల్ ఈ మూవీని నిర్మిస్తున్నారు. ర‌వితేజ‌తో అందాల ముద్దుగుమ్మ నుపూర్ స‌న‌న్ న‌టించారు. ఆమెతో పాటు గాయ‌త్రీ భ‌ర‌ద్వాజ్ , రేణూ దేశాయ్ న‌టిస్తుండ‌డం విశేషం.
ఈ సినిమాకు ఐఎస్సీ ఛాయా గ్ర‌హ‌ణం అందిస్తే జీవీ ప్ర‌కాష్ మ్యూజిక్ అందిస్తున్నారు. సినిమా బ‌డ్జెట్ ఖ‌ర్చు రూ. 50 కోట్లతో తెర‌కెక్కిస్తుండ‌డం విశేషం. అభిషేక్ అగ‌ర్వాల్ ఆర్ట్స్ బ్యాన‌ర్ పై రానుంది. గ‌త ఏడాది ఏప్రిల్ 3న టైగ‌ర్ నాగేశ్వరరావు మూవీ షూటింగ్ ప్రారంభ‌మైంది. ప్ర‌స్తుతం రిలీజ్ కు సిద్ద‌మైంది. ఈ సినిమాపై భారీ అంచ‌నాలు నెల‌కొన్నాయి.