బాలీవుడ్ లో మోస్ట్ డైన‌మిక్ హీరోగా గుర్తింపు పొందాడు కండ‌ల వీరుడు స‌ల్మాన్ ఖాన్. మ‌నోడు ఏది చేసినా అది సంచ‌ల‌న‌మే. మ‌రో వైపు త‌న‌కు పోటీగా ఉన్న షారుక్ ఖాన్ ఇప్పుడు ఫుల్ స‌క్సెస్ ను ఎంజాయ్ చేస్తున్నాడు. ఆయ‌న‌కు 2023 గొప్ప అనుభూతిని , కాసుల‌ను మిగిల్చింది.
తాను న‌టించిన ప‌ఠాన్ రూ. 1,000 కోట్లు కొల్ల‌గొడితే తాజాగా విడుద‌లైన జ‌వాన్ ఏకంగా వెయ్యి కోట్ల మార్క్ ను దాటేసేందుకు ప‌రుగులు తీస్తోంది. దీంతో నెక్ట్స్ స‌ల్మాన్ భాయ్ టైగ‌ర్ 3 కోసం తాను ఎంత‌గానో నిరీక్షిస్తున్నానంటూ పేర్కొన్నాడు షారుక్ ఖాన్.
ఇద్ద‌రూ మంచి మిత్రుల కంటే సోద‌రులుగా భావిస్తారు. ప్ర‌స్తుతం బాలీవుడ్ వ‌రుస సినిమాల రిలీజ్ ల‌తో క‌ళ క‌ళ లాడుతోంది. ఒక్కో సినిమాపై వేలాది మంది ఆధార‌ప‌డి ప‌ని చేస్తారు. దీంతో ఈసారి త‌ను న‌టిస్తున్న టైగ‌ర్ 3 ఇప్ప‌టికే భారీ అంచ‌నాలు నెల‌కొనేలా చేసింది.
దీంతో స‌ల్మాన్ ఖాన్ పూర్తి న‌మ్మ‌కంతో ఉన్నాడు. త‌న‌తో పాటు క‌త్రీనా కైఫ్ ఇందులో కీల‌క పాత్ర పోషిస్తోంది. ఇక టైగ‌ర్ 3 చిత్రానికి మ‌నీష్ శ‌ర్మ ద‌ర్శ‌క‌త్వం వ‌హిస్తున్నాడు. ఆదిత్యా చోప్రా, నీలేశ్ మిశ్రా, శ్రీ‌ధ‌ర్ రాఘ‌వ‌న్ చిత్రానికి క‌థ రాశారు. స‌ల్మాన్ , కైఫ్ తో పాటు హ‌ష్మీ కూడా న‌టిస్తుండ‌డ విశేషం.