SIIMA Award : సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌ (సైమా-SIIMA) – 2024 వేడుకలు దుబాయి వేదికగా ఘనంగా జరిగాయి. దక్షిణాది భాషల సంబంధించిన అతిరథ మహారథులు ఈ వేడుకకు హాజరై సందడి చేశారు. నేచురల్ స్టార్ నాని సినిమాల హవా కొనసాగింది. దసరా, హాయ్ నాన్న చిత్రాలు అవార్డులు కొల్లగొట్టాయి. 2024 సంవత్సరానికి గానూ ‘దసరా’ మూవీలో నటనకు ఉత్తమ నటుడిగా నాని(Nani), ఉత్తమ నటిగా కీర్తి సురేశ్‌ అవార్డును అందుకున్నారు. ఉత్తమ చిత్రంగా గాడ్ అఫ్ మాసెస్ నందమూరి బాలకృష్ణ-అనిల్‌ రావిపూడి, షైన్ స్క్రీన్స్ బ్యానర్ కాంబినేషన్‌లో వచ్చిన ‘భగవంత్ కేసరి’ నిలిచింది. సెన్సేషన్ ఆఫ్ ది ఇయర్ అవార్డు ని డైరెక్టర్ సందీప్ రెడ్డి వంగా అందుకున్నారు.
SIIMA Award Winners..
చిన్న చిత్రంగా వచ్చి భారీ విజయం అందుకున్న ‘బేబీ’ చిత్రం నాలుగు అవార్డులని సొంతం చేసుకుంది. ఉత్తమ నటుడు (క్రిటిక్స్) గా ఆనంద్ దేవరకొండ, ఉత్తమ దర్శకుడు క్రిటిక్స్ గా సాయి రాజేష్ , ఉత్తమ డెబ్యు నటి గా వైష్ణవి చైతన్య, ఉత్తమ లిరిక్స్ రైటర్ గా అనంత శ్రీరామ్ గా బేబీ చిత్రానికి గాను అవార్డులు అందుకున్నారు. ఉత్తమ దర్శకుడు పాపులర్ గా శ్రీకాంత్ ఓదెల (దసరా), ఉత్తమ నటి క్రిటిక్స్ గా మృణాల్ ఠాకూర్ (హాయ్ నాన్నా), బెస్ట్ డెబ్యు డైరెక్టర్ గా శౌర్యువ్ (హాయ్ నాన్న), ఉత్తమ డెబ్యు ప్రొడ్యూసర్స్ గా వైర ఎంటర్‌టైన్‌మెంట్స్, విజయేందర్ రెడ్డి తీగల (హాయ్ నాన్న), ఉత్తమ సంగీత దర్శకుడి గా హేషామ్ అబ్దుల్ వహాబ్ (హాయ్ నాన్న), ఎమర్జింగ్ యాక్టర్ గా సుమంత్ ప్రభాస్ (మేమ్ ఫేమస్) అవార్డులు అందుకున్నారు.
‘సైమా(SIIMA)’ 2024 పురస్కార గ్రహీతలు వీరే
ఉత్తమ చిత్రం: భగవంత్ కేసరి
ఉత్తమ నటుడు పాపులర్ : నాని (దసరా)
ప్రముఖ ఉత్తమ నటి పాపులర్ .: కీర్తి సురేష్ (దసరా)
ఉత్తమ నటి క్రిటిక్స్ : మృణాల్ ఠాకూర్ (హాయ్ నాన్నా)
ఉత్తమ దర్శకుడు పాపులర్ : శ్రీకాంత్ ఓదెల (దసరా)
ఉత్తమ నటుడు క్రిటిక్స్: ఆనంద్ దేవరకొండ(బేబీ)
సెన్సేషన్ ఆఫ్ ది ఇయర్: సందీప్ రెడ్డి వంగా
ఉత్తమ దర్శకుడు క్రిటిక్స్ : సాయి రాజేష్ (బేబీ)
ఉత్తమ హాస్యనటుడు: విష్ణు(మ్యాడ్)
ఉత్తమ ప్రతినాయకుడు : దునియా విజయ్ (వీర సింహారెడ్డి )
ఉత్తమ సహాయ నటి: బేబీ కియారా (హాయ్ నాన్న)
ఉత్తమ సహాయ నటుడు: దీక్షిత్ శెట్టి (దసరా)
బెస్ట్ డెబ్యు డైరెక్టర్: శౌర్యువ్ (హాయ్ నాన్న)
ఉత్తమ డెబ్యు ప్రొడ్యూసర్స్ : వైర ఎంటర్‌టైన్‌మెంట్స్, విజయేందర్ రెడ్డి తీగల (హాయ్ నాన్న)
ఎమర్జింగ్ యాక్టర్ : సుమంత్ ప్రభాస్
ఉత్తమ డెబ్యు నటి: వైష్ణవి చైతన్య ( బేబీ )
ఉత్తమ డెబ్యు నటుడు : సంగీత్ శోభన్ (మ్యాడ్ )
ఉత్తమ సంగీత దర్శకుడు : హేషామ్ అబ్దుల్ వహాబ్ (హాయ్ నాన్న)
ఉత్తమ నేపథ్య గాయని : శక్తిశ్రీ గోపాలన్ (హాయ్ నాన్న )
ఉత్తమ గాయకుడు : రామ్ మిర్యాల (బలగం)
ఉత్తమ లిరిక్స్ రైటర్ : అనంత శ్రీరామ్ (బేబీ)
ఉత్తమ సినిమాటోగ్రాఫర్: భువన్ గౌడ (సలార్)
Also Read : Hero Chiranjeevi : ‘మత్తు వదలరా 2’ సినిమా చూసి ప్రశంసలు కురిపించిన మెగాస్టార్