The Crew: బాలీవుడ్ బ్యూటీలు టబు, కరీనా కపూర్, కృతి సనన్ ప్రధాన పాత్రల్లో రాజేష్ కృష్ణన్ తెరకెక్కిస్తున్న తాజా సినిమా ‘ది క్రూ’. తమ నటనతో సినీ ప్రియుల మనసుల్ని గెలుచుకున్న ఈ అందాల భామలు… ఈ ‘ది క్రూ(The Crew)’ సినిమాలో ఎయిర్ హోస్టెస్ గా పనిచేస్తూ విమాన ప్రయాణీకుల వద్ద నుండి వస్తువులు, బంగారం దోచుకుంటారు. హీస్ట్ కామెడీ సినిమాగా తెరకెక్కించిన ఈ సినిమాను బాలాజీ మోషన్ పిక్చర్స్ , అనిల్ కపూర్ ఫిల్మ్స్ & కమ్యూనికేషన్ నెట్‌వర్క్ బ్యానర్లపై ఏక్తా కపూర్ , రియా కపూర్ మరియు అనిల్ కపూర్ సంయుక్తంగా నిర్మించారు. దిల్జిత్ దోసాంజ్ ముఖ్య పాత్రలో నటిస్తున్న ఈ సినిమాను మార్చి 29న ప్రపంచ వ్యాప్తంగా విడుదల కానుంది.
ఈ నేపథ్యంలో ఈ సినిమా ప్రమోషన్ ను షురూ చేసింది చిత్ర యూనిట్. ఈ సినిమాకు సంబంధించి ఇప్పటికే విడుదల చేసిన ఫస్ట్ లుక్, టైటిల్ పోస్టర్, ట్రైలర్ కు మంచి స్పందన రావడంతో… సోషల్ మీడియా వేదికగా సినిమా ట్రైలర్ ను విడుదల చేసింది చిత్ర యూనిట్. ప్రస్తుతం ఈ ట్రైలర్ సోషల్ మీడియాలో వైరల్ గా మారుతోంది.
The Crew – ట్రైలర్ ఎలా ఉందంటే ?
ఆదివారం చిత్ర యూనిట్ విడుదల చేసిన ‘ది క్రూ(The Crew)’ ట్రైలర్ విషయానికి వస్తే… ఇందులో విమానంలోని ప్రయాణికుల వస్తువులను, బంగారాన్ని దొంగిలించడానికి ఎయిర్ హోస్టెస్‌గా నటిస్తూ… ఒకే ఫ్రేమ్‌లో ఈ ముగ్గురు భామలు చేస్తున్న సందడి అభిమానుల్ని ఆకట్టుకుంటోంది. ‘దీపావళికి బోనస్‌ ఇస్తారా మేడమ్‌ ?… దీపావళికి స్వీటు డబ్బాలే దొరకవు. ఇంకా బోనస్‌ ఎక్కడిది’ లాంటి సరదా సంభాషణలతో ఆద్యంతం ఆసక్తిగా సాగుతోంది ఈ ట్రైలర్. బాలీవుడ్ సీనియర్ బ్యూటీలు టబు, కరీనా కపూర్ లతో పాటు కృతి సనన్ కలిసి నటిస్తున్న ఈ సినిమాలో ఈ ముగ్గురి కాంబినేషన్ చాలా ఆశక్తిని రేకెత్తిస్తోంది. కామెడీ పండించడంలో, గ్లామర్ ను చూపించడంతో ఈ ముగ్గురు భామలు పోటీ పడుతున్నట్లు పోస్టర్ లోనే తేట తెల్లమౌతోంది. ఈ నేపథ్యంలో ఈ ముగ్గురు భామలు అభిమానుల మనసులను ఎలా దోచేస్తారో తెలియాలంటే మార్చి 29 వరకు ఆగాల్సిందే.
Also Read : Kareena Kapoor: దక్షిణాది భాష సినిమాలో కరీనా కపూర్ ?