Thangalaan: నీలమ్ ప్రొడక్షన్స్, స్టూడియో గ్రీన్ బ్యానర్‌పై చియాన్ విక్రమ్ హీరోగా పా రంజిత్ దర్శకత్వంలో తెరకెక్కిస్తున్న తాజా సినిమా ‘తంగలాన్’. పీరియాడిక్ యాక్షన్ డ్రామాగా కేఈ జ్ఞానవేల్ రాజా నిర్మిస్తున్న ఈ సినిమాలో మాళవిక మోహనన్‌, పార్వతి తిరువోతు కీలక పాత్రలు పోషిస్తున్నారు. కర్ణాటకలోని కోలార్‌ గోల్డ్‌ ఫీల్డ్స్‌ కార్మికుల జీవితాల ఆధారంగా దర్శకుడు పా రంజిత్ తెరకెక్కిస్తున్న ఈ సినిమాపై భారీగా అంచనాలు ఉన్నాయి.
Thangalaan Movie Updates
డీ గ్లామర్ పాత్రలో విక్రమ్ లుక్, గెటప్స్ చూస్తే గతంలో సేతు, శివపుత్రుడు, అపరిచితుడు వంటి క్రేజీ హిట్స్ ను తలపిస్తున్నాయి. దీనికి తోడు ‘నేను ఇప్పటి వరకు ఏ సినిమా కోసం ఇంత కష్టపడలేదు. ఇదొక విభిన్నమైన కథ. ఇందులో గ్లామర్‌కు చోటులేదు. ఈ సినిమా చూస్తున్నంత సేపు ప్రేక్షకులకు మరో ప్రపంచంలోకి వెళ్లినట్లు అనిపిస్తుంది’ అని ఇటీవల సినిమా ప్రమోషన్ కార్యక్రమంలో హీరో విక్రమ్ తెలిపారు. ఇప్పటికే రిలీజైన పోస్టర్లు, ప్రచార చిత్రాలు ప్రేక్షకుల్లో సినిమాపై మరింత ఆసక్తిని పెంచాయి. దీనితో ఈ సినిమా కోసం కోలీవుడ్ తో పాటు పాన్ ఇండియాలో అభిమానులు ఎంతో ఆశక్తిగా ఎదురుచూస్తున్నారు.
అయితే ఈ సినిమాను జనవరి 26న విడుదల చేస్తున్నట్లు గతంలో చిత్ర యూనిట్ ప్రకటించినప్పటికీ వివిధ కారణాల వలన వాయిదా పడుతూ వస్తుంది. అయితే తాజాగా ఈ సినిమాకి సంబంధించి దర్శకుడు పా రంజిత్ ఓ క్రేజీ అప్‌డేట్‌ ఇచ్చారు. ఇటీవల ఓ ఛానెల్ కు ఇచ్చిన ఇంటర్వ్యూలో పా రంజిత్… ఈ సినిమా విడుదలపై స్పందించారు. దర్శకుడు పా రంజిత్ మాట్లాడుతూ… ‘తంగలాన్(Thangalaan) సినిమా విడుదలకు సిద్ధంగా ఉంది. త్వరలోనే ప్రేక్షకుల ముందుకు తీసుకొస్తాం. ఇప్పటికే సెన్సార్‌ సర్టిఫికెట్‌కు దరఖాస్తు చేసుకుంటున్నాం. ప్రస్తుతం ఎన్నికల తేదీల ప్రకటన కోసం ఎదురుచూస్తున్నాం. ఎన్నికలు పూర్తయిన తర్వాత సినిమా విడుదల చేస్తాం. ఈ సినిమాను సినీ ప్రేక్షకులు ఆదరిస్తారని ఆశిస్తున్నాం’ అని తెలిపారు. దీనితో దేశంలో ఎన్నికల వేడి తగ్గగానే… విక్రమ్ తన అభిమానులకు తంగలాన్ తో ఉపసమనం కలిగించడం ఖాయం అంటూ నెటిజన్లు కామెంట్లు పెడుతున్నారు.
Also Read : Hero Prabhas: మరో అరుదైన రికార్డ్‌ సాధించిన ప్రభాస్ !