Thalapathy Vijay: కోలీవుడ్ స్టార్ హీరో విజయ్, మీనాక్షి చౌదరి, మాళవిక శర్మ ప్రధాన పాత్రలో తెరకెక్కిస్తున్న తాజా సినిమా ‘గోట్’(ది గ్రేటెస్ట్‌ ఆఫ్ ఆల్‌ టైమ్‌). సైన్స్‌ ఫిక్షన్‌ యాక్షన్‌ ఫిల్మ్‌గా రూపొందిస్తున్న ఈ చిత్రానికి వెంకట్‌ ప్రభు దర్శకత్వం వహించారు. స్నేహ, లైలా, ప్రశాంత్‌, మోహన్‌, జయరాం, అజ్మల్‌, అమీర్‌, యోగిబాబు, ప్రభుదేవా తదితరులు కీలక పాత్రలు పోషిస్తున్నారు. ఎస్‌ఎస్‌ ఎంటర్‌టైన్‌మెంట్‌ పతాకంపై కల్పాత్తి ఎస్‌ అఘోరం, కల్పాత్తి ఎస్‌ గణేష్‌, కల్పాత్తి ఎస్‌. సురేష్‌ నిర్మించిన ఈ భారీ యాక్షన్‌ ఎంటర్‌ కథాచిత్రానికి యువన్‌ శంకర్‌ రాజా సంగీతాన్ని, సిద్ధార్థ నూని ఛాయాగ్రహణం అందించారు. ఇప్పటికే షూటింగ్ పూర్తి చేసుకున్న ఈ చిత్రం సెప్టెంబర్ 5న థియేటర్లలో సందడి చేయనుంది. దళపతి విజయ్ రాజకీయ పార్టీను స్థాపించి వచ్చే తమిళనాడు అసెంబ్లీ ఎన్నికల్లో పోటీకు దిగుతామని చెప్పడంతో ఈ సినిమా విడుదలపై అంతా ఆశక్తిగా ఎదురుచూస్తున్నారు. ఈ నేపథ్యంలో ఈ సినిమాను 6000 థియేటర్స్ కు పైగా విడుదల చేయడానికి సన్నాహాలు చేస్తున్నారు.
Thalapathy Vijay Movie Updates
విజయ్(Thalapathy Vijay) కెరీర్ లో ది బెస్ట్ రిలీజ్ గా విడుదలకు సిద్ధమౌతున్న ‘గోట్’ సినిమాకు సంబంధించి ఇప్పటికే అడ్వాన్స్ బుకింగ్స్ ప్రారంభం అయ్యాయి. దీనితో ‘గోట్’ సినిమా బాక్సాఫీస్ వద్ద రికార్డులు సృష్టిస్తోంది. తాజాగా అడ్వాన్స్ బుకింగ్‌ లతో కమల్ హాసన్‌’ఇండియన్- 2′ మూవీని అధిగమించి కొత్త రికార్డు సృష్టించింది. రిలీజ్ కు ముందే అడ్వాన్స్ బుకింగ్‌తో రూ. 12.82 కోట్ల మేర వసూళ్లు రాబట్టింది. అంతకుముదు ఇండియన్-2 మూవీకి ముందస్తు బుకింగ్స్ ద్వారా రూ. 11.20 కోట్లు మాత్రమే వచ్చాయి. విడుదలకు ఇంకా ఒకరోజు సమయం ఉడండంతో మరిన్ని రికార్డులు కొల్లగొట్టే అవకాశముంది. కేవలం బాక్సాఫీస్ వద్ద ప్రీ టికెట్‌ బుకింగ్స్‌తోనే రూ.20 కోట్లకు పైగా బిజినెస్ జరగవచ్చని సినీ ట్రేడ్ వర్గాలు అంచనా వేస్తున్నాయి. మొదటి రోజే అత్యధిక వసూళ్లతో ది గోట్ కోలీవుడ్‌లో రికార్డ్‌ సృష్టించడం ఖాయంగా కనిపిస్తోంది. విజయ్(Thalapathy Vijay) చివరిసారిగా లియో చిత్రంలో నటించారు. లోకేశ్‌ కనగరాజ్‌ దర్శకత్వంలో వచ్చిన ఈ చిత్రం ప్రేక్షకులను మెప్పించింది.
Also Read : Nivin Pauly: ప్రేమమ్ ఫేమ్ నివిన్‌ పౌలీపై లైంగిక వేధింపుల కేసు !