స‌ర్వేశ్ మేవారా ద‌ర్శ‌క‌త్వం వ‌హించిన తేజ‌స్ చిత్రానికి సంబంధించి సెకండ్ సింగిల్ విడుదలైంది. ఈ సినిమాలో కీ రోల్ పోషించింది కంగ‌నా ర‌నౌత్. ఇది నిజ జీవితంలో జ‌రిగిన య‌దార్థ క‌థ ఆధారంగా తెర‌కెక్కించే ప్ర‌య‌త్నం చేశాడు ద‌ర్శ‌కుడు.
ఇప్ప‌టి వ‌ర‌కు విడుద‌ల చేసిన తేజ‌స్ మూవీ పోస్ట‌ర్స్ , టీజ‌ర్ , సాంగ్ సింగిల్ ఎంత‌గానో ఆక‌ట్టుకున్నాయి. ఈ ఏడాది వివాదాస్ప‌ద న‌టి కంగ‌నా ర‌నౌత్ ఓ త‌మిళ సినిమాలో న‌టించింది. ఆ సినిమా ఆశించిన మేర ఆడ‌లేదు. చంద్ర‌ముఖి చిత్రానికి సీక్వెల్ గా వ‌చ్చింది. ఈ మూవీలో రాఘ‌వ లారెన్స్ తో క‌లిసి న‌టించింది కంగ‌నా ర‌నౌత్. దీనికి పి. వాసు ద‌ర్శ‌క‌త్వం వ‌హించాడు.
తొలి చిత్రంలో సూప‌ర్ స్టార్ ర‌జ‌నీకాంత్ , జ్యోతిక న‌టించారు. అది బ్లాక్ బ‌స్ట‌ర్ గా నిలిచింది. కాగా సీక్వెల్ మూవీ మాత్రం నిరాశ ప‌రిచింది. ఇక తేజ‌స్ విష‌యానికి వ‌స్తే ఈ చిత్రాన్ని అక్టోబ‌ర్ 27న ఇండియాతో పాటు ఓవ‌ర్సీస్ లో విడుద‌ల చేయాల‌ని నిర్ణ‌యించారు మూవీ మేక‌ర్స్.
బ్యాక్ టు బ్యాక్ అప్ డేట్స్ ఇస్తూ మ‌రింత ఉత్సుక‌త‌ను రేపుతోంది. రోజు రోజుకు సినిమాపై మ‌రింత క్యూరియాసిటీని పెంచేందుకు ట్రై చేస్తున్నారు. ఇవాళ తేజ‌స్ చిత్రానికి సంబంధించి సెకండ్ సింగిల్ రిలీజ్ చేశారు.