Tamannaah Bhatia: ప్రముఖ తమిళ దర్శకుడు సుందర్ సి దర్శకత్వంలో బ్లాక్ బస్టర్ హిట్ గా నిలిచిన క్రేజీ సీరీస్ ‘అరణ్మనై’. హారర్‌ కామెడీ జానర్లో తమిళంతో పాటు తెలుగులో కూడా మంచి ఆదరణ దక్కించుకున్న ఈ సిరీస్ నుండి దర్శకుడు సుందర్ సి, తమన్నా భాటియా, రాశీ ఖన్నా హీరోహీరోయిన్లుగా ‘బాక్’ పేరుతో ‘అరణ్మనై-4’ ను తెరకెక్కిస్తున్నారు. ఇప్పటికే షూటింగ్ ను పూర్తి చేసుకున్న ఈ సినిమాను… ఏషియన్‌ సురేష్‌ ఎంటర్‌టైన్‌మెంట్‌ ఎల్‌ఎల్‌పి సంస్థ ద్వారా ఈ నెలలోనే తెలుగు ప్రేక్షకుల ముందుకు తీసుకురానున్నారు. ఈ నేపథ్యంలో ‘బాక్’ సినిమా నుంచి తమన్నా(Tamannaah Bhatia) ఫస్ట్ లుక్ ను మూవీ మేకర్స్ విడుదల చేశారు. ప్రస్తుతం ‘బాక్’ సినిమా నుండి విడుదల చేసిన తమన్నా ఫస్ట్ లుక్ సోషల్ మీడియాలో వైరల్ గా మారుతోంది.
Tamannaah Bhatia Movie Updates
తమన్నాని శివానిగా పరిచయం చేస్తూ… ఆమె లుక్ ని మేకర్స్ విడుదల చేశారు. ఈ లుక్‌లో తమన్నా(Tamannaah Bhatia)… సాంప్రదాయ గెటప్‌లో కనిపిస్తుంది. సుందర్ సి శివశంకర్‌ గా పరిచయం కాగా… అతని క్యారెక్టర్ పోస్టర్‌ లో అనుమానాస్పదంగా కనిపిస్తున్నారు. రెండు పోస్టర్లు బాక్ లో కొన్ని స్పైన్ చిల్లింగ్ ఎలిమెంట్స్‌తో ఆకట్టుకుంటున్నాయి. ఈ సినిమాకు హిప్‌హాప్ తమిళా సంగీతం అందించగా, ఇ కృష్ణమూర్తి సినిమాటోగ్రఫీ, ఫెన్నీ ఆలివర్ ఎడిటింగ్‌ ను పర్యవేక్షిస్తున్నారు. వెన్నెల కిషోర్, శ్రీనివాసులు, ఢిల్లీ గణేష్, కోవై సరళ ఇతర కీలక పాత్రల్లో కనిపించనున్నారు. తాజాగా తమన్నా ఫస్ట్ లుక్ పోస్టర్‌ను మేకర్స్ రివీల్ చేయడంతో తెలుగు ప్రమోషన్స్ మొదలయ్యాయి.
‘అరణ్మనై’ ఫ్రాంచైజీ దాదాపు పదేళ్ల క్రితం మొదలైంది. 2014లో విడుదలైన ‘అరణ్మనై’ సూపర్‌హిట్ అందుకోవడంతో దానికి సీక్వెల్‌గా ‘అరణ్మనై 2’ తెరకెక్కించారు సుందర్. 2016లో ప్రేక్షకుల ముందుకు వచ్చిన ఈ సినిమా మంచి వసూళ్లు రాబట్టింది. దాదాపు ఐదేళ్ల గ్యాప్ తర్వాత 2021లో ‘అరణ్మనై 3’ విడుదలైంది. రాశీఖన్నా, ఆర్య, ఆండ్రియా ప్రధాన పాత్రల్లో నటించిన ఈ సినిమా మిశ్రమ స్పందనలకే పరిమితమైంది. తాజాగా ‘అరణ్మనై 4’ ను ‘బాక్’ పేరుతో దర్శకుడు సుందర్ తెరకెక్కిస్తున్నారు. ఈ సినిమాలో విజయ్ సేతుపతి హీరోగా నటిస్తారని వార్తలు వచ్చినప్పటికీ… డేట్స్ అడ్జెస్ట్ కాకపోవడంతో… నిర్మాతల సూచన మేరకు దర్శకుడు సుందర్ హీరోగా నటిస్తున్నారు.
Also Read : S. S. Rajamouli: సోషల్ మీడియాలో వైరల్ గా మారుతున్న రాజమౌళి దంపతుల డ్యాన్స్‌ రిహార్సల్స్‌ !