Swayambhu Movie : కార్తికేయ 2తో నిఖిల్ పాన్-ఇండియన్ హీరోగా మారాడు. కానీ ఆ తర్వాత 18 పేజీస్ మరియు స్పై చిత్రాలు ప్రేక్షకులను అంతగా అలరించలేదు. అయితే ఇప్పుడు ఈ యంగ్ హీరో మళ్లీ పాన్ ఇండియా సినిమాతో దూసుకుపోతున్నాడు. నిఖిల్ తాజా చిత్రం స్వయంభూ. భరత్ కృష్ణమాచారి దర్శకత్వం వహిస్తున్న ఈ చిత్రంలో మలయాళ సంచలనం సంయుక్తా మీనన్ కథానాయికగా నటిస్తోంది. ఈ సినిమా కోసం నిఖిల్ తన ఇమేజ్ ని పూర్తిగా మార్చేశాడు. చారిత్రాత్మక ఇతివృత్తంతో ప్రారంభమైన ఈ చిత్రంలో ఒక యువ హీరో శత్రువులను చీల్చి చెండాడిన యుద్ధ వీరుడిగా చిత్రీకరించారు. కత్తి తిప్పడం కూడా ప్రాక్టీస్ చేస్తున్నాడు. ఈ వివరాలను నిఖిల్ ఎప్పటికప్పుడు సోషల్ మీడియాలో షేర్ చేస్తుండడంతో అతడి సినిమాపై అంచనాలు పెరిగిపోతున్నాయి.
ఇటీవల, టాలెంటెడ్ హీరో తన చిత్రం స్వయంభూ గురించి మరో ముఖ్యమైన అప్‌డేట్‌తో వచ్చాడు. “మా ‘స్వయంభూ(Swayambhu)’ సినిమా షూటింగ్ నాన్‌స్టాప్‌గా జరుగుతోంది. ఈ సినిమాలో హనుమంతుని భక్తుడి పాత్రలో నటిస్తున్నాను. ఈ సినిమాలో నాకు నచ్చిన లైన్ జై శ్రీరామ్. ప్రస్తుతం అద్భుతమైన యాక్షన్ సన్నివేశాలను చిత్రీకరిస్తున్నాం. దసరా లేదా దీపావళికి సినిమాను విడుదల చేయడానికి ప్లాన్ చేస్తున్నాం” అని నిఖిల్ గుర్రం మీద షూటింగ్ చేస్తున్న GIF ని పోస్ట్ చేస్తూ చెప్పాడు. ప్రస్తుతం హనుమాన్ థియేటర్లలో విపరీతమైన బజ్ సృష్టిస్తుండగా, నిఖిల్ చేసిన ఈ ట్వీట్ సోషల్ మీడియాలో వైరల్‌గా మారింది.
Swayambhu Movie Updates
సోషల్ ఫాంటసీ జనర్‌లో భువన్, శ్రీకర్ జంటగా స్వయంభూ అనే సినిమా నిర్మిస్తున్నారు. తెలుగుతో పాటు తమిళం, కన్నడ, మలయాళం, హిందీ భాషల్లో కూడా ఈ సినిమా విడుదల కానుంది. అంతేకాదు నిఖిల్ మెగా పవర్ స్టార్ రామ్ చరణ్ నిర్మిస్తున్న ‘ఇండియన్ హౌస్’ అనే భారీ పాన్-ఇండియన్ సినిమాలో నటిస్తున్నాడు. కార్తికేయ సిరీస్‌లో మూడో భాగం కూడా రానుందని ముందుగానే వెల్లడించారు.
Also Read : New Movies in OTT: ఓటీటీల్లో ఈ ఒక్క వారంలోనే 45 సినిమాలు ?