Suriya: కోలీవుడ్ స్టార్ హీరో సూర్య సినిమాల విషయంలో వేగం పెంచుతున్నారు. ప్రస్తుతం స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న పాన్ ఇండియా సినిమా ‘కంగువా’లో నటిస్తున్నారు. ఈ సినిమాకు వేదాళం, వివేగం, విశ్వాసం, అన్నాత్తే వంటి సూపర్ హిట్ సినిమాల డైరెక్టర్ శివ (సిరుతై శివ) దర్శకత్వం వహిస్తున్నారు. పీరియాడికల్‌ డ్రామాగా తెరకెక్కిస్తున్న ఈ సినిమాలో దిశా పఠానీ హీరోయిన్ గా, బాబీ డియోల్ విలన్ పాత్రలో, జగపతి బాబు, యోగిబాబు, కోవై సరళ తదితరులు కీలక పాత్ర పోషిస్తున్నారు. అక్టోబరులో విడుదలకు సిద్ధమౌతున్న ఈ సినిమా సెట్స్ పై ఉండగానే ప్రముఖ దర్శకుడు కార్తీక్‌ సుబ్బరాజుతో కలిసి మరో సినిమాను ప్రారంభించారు. దీని తరువాత మరల సుధ కొంగర దర్శకత్వంలో మరో సినిమాను చేయడానికి చర్చలు జరుగుతున్నట్లు తెలుస్తోంది.
Suriya Movie Updates
అయితే ఇప్పుడు సూర్య(Suriya) మరో కొత్త ప్రాజెక్ట్‌ కోసం చర్చలు ప్రారంభించినట్లు తెలుస్తోంది. ‘మఫ్టీ’ సినిమాతో ప్రేక్షకుల్ని మెప్పించిన ప్రముఖ కన్నడ దర్శకుడు నర్తన్ తో ఓ సినిమా చేయడానికి సన్నాహాలు చేస్తున్నట్లు తెలుస్తోంది. ఈ సినిమాని ప్రముఖ నిర్మాణ సంస్థ కేవీఎన్‌ ప్రొడక్షన్స్‌ సంస్థ నిర్మించనున్నట్లు వార్తలు వినిపిస్తున్నాయి. ప్రస్తుతం ఈ సంస్థ కన్నడ స్టార్ యశ్‌ తో ‘టాక్సిక్‌’ అనే పాన్ ఇండియా చిత్రం నిర్మిస్తోంది. అతి త్వరలో ఈ సినిమా సెట్స్ పైకి వెళ్ళే అవకాశాలు కనిపిస్తున్నాయి. ఈ నేపథ్యంలో అది సెట్స్ పై ఉండగానే సూర్యతో దర్శకుడు నర్తన్ సినిమాను ప్రారంభించే అవకాశాలు ఉన్నట్లు తెలుస్తోంది. ఇదే గాని జరిగితే మొదటిసారి సూర్య… ఓ కన్నడ దర్శకుడితో సినిమా చేస్తున్నట్లు అవుతోంది. దీనితో ఇప్పటికే తెలుగు, తమిళ, మలయాళం భాషల్లో విశేషమైన అభిమానులను సంపాదించుకున్న సూర్య… ఈ సినిమాతో కన్నడలో కూడా పాగా వేయడానికి సిద్ధమైనట్లే.
Also Read : SIIMA Awards-Pindam : సైమా నామినేషన్స్ లిస్ట్ లో ‘పిండం’ సినిమా