Suriya: కోలీవుడ్ స్టార్ హీరో సూర్య నటిస్తున్న తాజా పాన్ ఇండియా సినిమా ‘కంగువా(Kanguva)’. స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న ఈ సినిమాకు వేదాళం, వివేగం, విశ్వాసం, అన్నాత్తే వంటి సూపర్ హిట్ సినిమాల డైరెక్టర్ శివ (సిరుతై శివ) దర్శకత్వం వహిస్తున్నారు. పీరియాడికల్ డ్రామాగా తెరకెక్కిస్తున్న ఈ సినిమాలో దిశా పఠానీ హీరోయిన్ గా, బాబీ డియోల్ విలన్ పాత్రలో, జగపతి బాబు, యోగిబాబు, కోవై సరళ తదితరులు కీలక పాత్ర పోషిస్తున్నారు. ప్రపంచ వ్యాప్తంగా 38 భాషల్లో విడుదల చేస్తున్నట్లు ఇప్పటికే చిత్ర నిర్మాణ సంస్థ ప్రకటించింది. దీనితో ఈ సినిమాపై భారీగా అంచనాలు ఉన్నాయి. ఇటీవల విడుదలైన ఈ సినిమా పోస్టర్లకు ప్రేక్షకుల నుంచి మంచి స్పందన వచ్చింది. ఇందులో సూర్య(Suriya)-బాబీ దేవోల్‌ మధ్య వచ్చే క్లైమాక్స్ సన్నివేశాలను దాదాపు 10వేల మందితో తీర్చిదిద్దుతున్నట్లు సమాచారం. ఆ సన్నివేశాలు సినిమాకు హైలైట్‌గా నిలుస్తాయని చెబుతున్నారు.
Suriya Movie Updates
శరవేగంగా షూటింగ్ జరుపుకొంటున్న ఈ సినిమాను ఈ ఏడాది దీపావళికి విడుదల చేయడానికి సన్నాహాలు చేస్తున్నారని కోలీవుడ్ వర్గాల టాక్. అయితే త్వరలో ఈ వివరాల్ని అధికారికంగా ప్రకటించనున్నట్లు సమాచారం. కంగ అనే ఓ పరాక్రముడి కథతో పీరియాడికల్ డ్రామాగా తెరకెక్కిస్తున్న ఈ సినిమాలో సూర్య ఆరు భిన్నమైన అవతారాల్లో కనిపించనున్నట్లు తెలుస్తోంది. స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న అతి భారీ బడ్జెట్ సినిమా ‘కంగువా’ ను సుమారు 38 భాషల్లో విడుదల చేయడానికి సన్నాహాలు చేస్తున్నారు. దిశా పఠానీ హీరోయిన్ గా, బాబీ డియోల్ విలన్ పాత్రలో, జగపతి బాబు, యోగిబాబు, తదితరులు కీలక పాత్ర పోషిస్తున్న ఈ సినిమాకు దేవీ శ్రీ ప్రసాద్ సంగీతం అందించగా… వెట్రి పళనిసామి సినిమాటోగ్రఫీ అందిస్తున్నారు. ప్రస్తుతం ఈ సినిమా చిత్రీకరణ ఆఖరి దశలో ఉంది. క్లైమాక్స్ లోని కీలక యాక్షన్ సీక్వెన్స్‌ను థాయిలాండ్‌లోని అడవిలో ఇటీవలే పూర్తి చేసినట్లు సమాచారం..
Also Read : Ramayan: నిజమైన బంగారంతోనే ‘రామాయణ’ షూటింగ్ !