Sundaram Master: ఆర్టీ టీం వర్క్స్, గోల్ డెన్ మీడియా పతాకాలపై మాస్ మహారాజా రవితేజ, సుధీర్ కుమార్ కుర్రు నిర్మిస్తున్న తాజా సినిమా ‘సుందరం మాస్టర్’. కళ్యాణ్ సంతోష్ దర్శకత్వంలో తెరకెక్కిన ఈ సినిమాలో హర్ష చెముడు, దివ్య శ్రీపాద హీరోహీరోయిన్లుగా నటించారు. ఈ సినిమాకి శ్రీచరణ్‌ పాకాల సంగీతం అందిస్తున్నాడు. ఇప్ప‌టికే ఈ సినిమా నుంచి ఫ‌స్ట్ లుక్‌తో పాటు టీజ‌ర్ విడుద‌ల చేయ‌గా… ప్రేక్షకుల నుంచి మంచి రెస్పాన్స్ ద‌క్కించుకుంది. ఫిబ్ర‌వ‌రి 23న ప్రేక్షకుల ముందుకు రాబోతున్న ఈ సినిమాకు సంబంధించి మూవీ మేక‌ర్స్ ట్రైలర్ విడుద‌ల చేశారు. మెగాస్టార్ చిరంజీవి(Chiranjeevi) చేతుల మీదుగా విడుదలైన ఈ ట్రైలర్ ప్రస్తుతం టాప్‌ లో ట్రెండ్ అవుతోంది.
Sundaram Master Movie Updates
‘సుందరం మాస్టర్’ సినిమా ట్రైలర్ విష‌యానికి వ‌స్తే… ఒక మారుమూల గ్రామంలో అనుమానాస్పదంగా ఏవో సంఘటనలు జరుగుతుంటాయి. అయితే అవి క‌నిపెట్టడానికి సుందరం మాస్టర్ (ఇంగ్లీష్ టీచర్) గా ఆ గ్రామంలో అడుగుపెడ‌తాడు వైవా హర్ష. అయితే గ్రామానికి ఇంగ్లీష్ టీచర్ గా వెళ్లిన సుందరం మాస్టర్ కు అక్కడ ఎలాంటి పరిస్థితులు ఎదురయ్యాయనేది ఈ సినిమా క‌థ. ఈ ట్రైలర్ మొత్తం ఫుల్ ఫ‌న్ ఎంట‌ర్‌టైన్‌గా సాగింది.
Also Read: Niharika Konidela: సినిమాల్లోకి మెగా డాటర్ నిహారిక… రీ ఎంట్రీ !