Sumanth : రాజశ్యామల ఎంటర్‌టైన్‌మెంట్‌ బ్యానర్‌పై కాలిపు మధు, ఎం.సుబ్బారెడ్డి నిర్మాతలుగా… జాగర్లమూడి సంతోష్ దర్శకత్వంలో సుమంత్ హీరోగా తెరకెక్కుతున్న సినిమా ‘మహేంద్రగిరి వారాహి’. సుమంత్(Sumanth) సరసన మీనాక్షి గోస్వామి నటించగా… వెన్నెల కిషోర్, శుభలేఖ సుధాకర్, రాజీవ్ కనకాల, సత్యసాయి శ్రీనివాస్ కీలక పాత్రలు పోషిస్తున్నారు. ఈ సినిమాకు అనూప్ రూబెన్స్ సంగీతం అందిస్తున్నారు. మహేంద్రగిరిలో కొలువుదీరిన వారాహి అమ్మవారి ఆలయం చుట్టూ తిరిగే కథాంశంతో రూపొందిస్తున్న ఈ సినిమా ఫస్ట్ గ్లింప్స్ ను ప్రముఖ దర్శకుడు క్రిష్ జాగర్లమూడి విడుదల చేసారు.
Sumanth – టైటిల్ బాగుంది… దర్శకుడు క్రిష్
ఈ సందర్భంగా దర్శకుడు క్రిష్ మాట్లాడుతూ… ‘మహేంద్రగిరి వారాహి’ వారాహి టైటిల్ బాగుంది. అందరికి కనెక్ట్ అయ్యే కథనంతో తెరకెక్కుతున్న ఈ చిత్రం గ్లింప్స్ అద్భుతంగా ఉన్నాయి. ఈ సినిమా కూడా అదే తరహాలో ఉంటుందని ఆశిస్తున్నా. చిత్ర యూనిట్ సభ్యులందరికి అభినందనలు తెలుపుతున్నా’ అని అన్నారు.
ప్రేమకథ నుండి ‘మహేంద్రగిరి వారాహి’ వరకు సుమంత్ కెరియర్
అక్కినేని నాగేశ్వరరావు వారసుడిగా అతని పెద్ద మనుమడు సుమంత్… 1999లొ ప్రేమకథ సినిమాతో టాలీవుడ్ లో అడుగుపెట్టారు. తరువాత యువకుడు, పెళ్ళి సంబంధం, స్నేహమంటే ఇదేరా, గోదావరి, సత్యం, గౌరి వంటి సినిమాలతో నటుడిగా గుర్తింపు పొందినప్పటికీ స్టార్ గా ఎదగలేకపోయారు. చాలాకాలం బ్రేక్ తీసుకున్న తరువాత గోల్కొండ హైస్కూల్ తో మరల హిట్ సాధించారు. ఇటీవల తమిళ హీరో ధనుష్ తో కలిసి సార్ సినిమాలో నటించిన సుమంత్… ఇప్పుడు ‘మహేంద్రగిరి వారాహి’ అనే థ్రిల్లర్ మూవీతో ప్రేక్షకుల ముందుకు వస్తున్నారు.
Also Read : Puja Gandhi: వధువు కాబోతున్న ‘దండుపాళ్యం’ బ్యూటీ