Anee Master : టాలీవుడ్ కొరియోగ్రాఫర్ జానీ మాస్టర్‌‌ని అసిస్టెంట్ లేడీ కొరియోగ్రాఫర్‌పై లైంగిక దాడి ఆరోపణల మేరకు గత నెలలో పోలీసులు అరెస్ట్ చేసిన విషయం తెలిసిందే. ఈ కేసులో వరుస ట్విస్టులతో జానీకి చుక్కెదురవుతుంది. అయితే జానీ కొరియోగ్రాఫర్‌గా పనిచేసిన తిరుచిట్రంబలంనికి గాను కేంద్ర ప్రభుత్వం ఉత్తమ కొరియోగ్రాఫర్‌గా ఆయనకు అవార్డు ప్రకటించింది. ఈ నెల 8న ఆయన అవార్డు తీసుకోవాల్సి ఉండగా, ఆయన మధ్యంతర బెయిల్ కోసం అప్లై చేయగా కోర్ట్ అంగీకరించింది. ఈ క్రమంలోనే కేంద్ర ప్రభుత్వం జానీపై ఉన్న ఆరోపణల రీత్యా అవార్డును నిలిపేస్తున్నట్లు ప్రకటించిన విషయం తెలిసిందే. దీంతో ఖంగుతిన్న జానీ మాస్టర్‌కి తోటి ఆర్టిస్ట్స్ ఆట సందీప్, యానీ మాస్టర్(Anee Master) మద్దతు తెలిపిన విషయం తెలిసిందే. ఆ తర్వాత ఏర్పడిన కొన్ని పరిస్థితుల రీత్యా యానీ మాస్టర్(Anee Master) తన స్టాండ్ మార్చేసింది. ఇంతకీ ఏమైందంటే..
Anee Master….
ఆట సందీప్.. తన సోషల్ మీడియా అకౌంట్ ద్వారా జానీ మాస్టర్‌కి అవార్డు ని నిలిపేయడంతో అసహనం వ్యక్తం చేస్తూ ఓ వీడియో చేశాడు. అందులో ఆయన “ఒక కళాకారుడు ఎంత కష్టపడితే గాని జాతీయ అవార్డు రాదు. ఇప్పుడు ఆయన కృషి, శ్రమ మొత్తం బూడిదలో పోసిన పన్నీరులా అయ్యిందన్నారు. అలాగే సదరు అమ్మాయి నా ఈవెంట్స్ కిన్ కూడా పని చేశారని చెప్పారు. కాగా మరికొన్ని ఈవెంట్స్‌కి పిలవగా తాను జానీ మాస్టర్ వద్ద పని చేస్తున్నని, అక్కడే పని చేస్తానని చెప్పింది అని తెలిపాడు. అలాగే ఈ మధ్యలో చట్టాలు అమ్మయిలకు అనుకూలంగా మారాయని దీని వల్లే అందరు మగోళ్ళపై రెచ్చిపోయి అన్యాయంగా కేసు పెడుతున్నారని” ఆవేదన వ్యక్తం చేశారు. ఈ పోస్ట్‌కి అనీ మాస్టర్ స్పందిస్తూ.. ‘థాంక్ గాడ్ ఫైనల్ గా ఒక్కరు బయటకొచ్చి మాట్లాడుతున్నారు.. నా మనుసులో కూడా ఇదే ఉంది’ అంటూ మద్దతు తెలిపిన విషయం తెలిసిందే.
అయితే ఇదే వార్తను పలు మీడియా సంస్థలు ప్రచురించాయి. దీంతో యానీ మాస్టర్ తన కామెంట్ డిలీట్ చేశారు. తర్వాత ఆమె తన సోషల్ మీడియా ద్వారా మీడియా ఫేక్ న్యూస్ ప్రచారం చేస్తుందంటూ ఓ వీడియో రిలీజ్ చేశారు. అనంతరం ఆ వీడియోని కూడా తొలిగించారు. దీంతో యానీ మాస్టర్ ఒక స్టాండ్ తీసుకోకుండా ఎందుకిలా చేస్తున్నారని అనుమానాలు మొదలయ్యాయి. యాని మాస్టర్ వెనుకాల ఎవరైనా ఉండి ఇలా చేయిస్తున్నారా? లేదా తానే ఇలా చేస్తుందా అనేది తెలియాల్సి ఉంది.
Also Read : Pawan Kalyan : బాధ్యతల తర్వాతే సినిమా అంటున్న ఏపీ డిప్యూటీ సీఎం పవన్