Skanda Trailer : బోయ‌పాటి శ్రీ‌ను లాంటి ద‌ర్శ‌కుడికి రామ్ పోతినేని లాంటి యంగ్ , ఎన‌ర్జ‌టిక్ హీరో దొరికితే ఎలా ఉంటుందో చెప్పాలంటే తాజాగా రిలీజైన స్కంద(Skanda) సినిమా ట్రైల‌ర్ చూడాలి. బాల‌య్య బాబుతో తీసిన అఖండ బాక్సులు బ‌ద్ద‌లు కొడితే ఇప్పుడు అదే రేంజ్ లో అల‌రించేందుకు ముందుకు రానుంది.
Skanda Trailer Trending
హైద‌రాబాద్ వేదిక‌గా ప్రీ రిలీజ్ వేడుక జ‌రిగింది. ప్ర‌ముఖ న‌టుడు నంద‌మూరి బాల‌కృష్ణ ముఖ్య అతిథిగా హాజ‌రై సినిమాకు సంబంధించి ట్రైల‌ర్ ను రిలీజ్ చేశారు. మాస్ డైలాగులు, ఆక‌ట్టుకునే స‌న్నివేశాలు, గ‌గుర్పొడిచే ఫైట్స్ , రామ్ మాస్ ఎంట్రీ , అందాల ముద్దుగుమ్మ శ్రీ‌లీల న‌ట‌న చిత్రానికే హైలెట్ గా నిలిచేలా ఉన్నాయి.
ప్ర‌ధానంగా రామ్ పోతినేనితో ప‌లికించిన డైలాగులు ఫ్యాన్స్ ను మ‌ళ్లీ సినిమాకు ర‌ప్పించేలా రాశారు. ఇప్ప‌టికే ఇస్మార్ట్ శంక‌ర్ మూవీతో ప‌క్కా తెలంగాణ యాస‌తో దుమ్ము రేపాడు రామ్ పోతినేని. పూరీ జ‌గ‌న్ తో ఇస్మార్ శంక‌ర్ సినిమాకు సీక్వెన్స్ లో న‌టిస్తున్నాడు.
ఇక అఖండ త‌ర్వాత బోయ‌పాటి శ్రీ‌ను తీస్తున్న స్కంద‌కు ఎస్ఎస్ థ‌మ‌న్ మ‌రోసారి సంగీతం అందించాడు. ఇప్ప‌టికే రిలీజ్ అయిన సాంగ్స్ కు భారీ ఎత్తున ఆద‌ర‌ణ ల‌భించింది. మొత్తంగా రామ్ స్కంద‌తో హిట్ కొట్టేందుకు రెడీ అయ్యాడు.
Also Read : Prakash Raj Jai Bhim : గాంధీని చంపినోళ్లు అవార్డు ఇస్తారా