Simbu: కోలీవుడ్ స్టార్ హీరో శింబు మరోసారి పెళ్ళి వార్తల్లోకి ఎక్కారు. 41 ఏళ్ల శింబు ఇప్పటికీ మోస్ట్‌ ఎలిజబుల్‌ బ్యాచిలర్‌ అన్నది తెలిసిందే. పెళ్లి విషయంలో తన జీవితంలో ఎన్నో అనూహ్య మలుపులు ఉన్నప్పటికీ తాజాగా ఆయన ఓ హీరోయిన్ తో పెళ్ళి పీటలు ఎక్కడం ఖాయమనే ప్రచారం కోలీవుడ్ లో ఊపందుకుంది. తాజాగా నటి నిధి అగర్వాల్‌తో డేటింగ్‌ లో ఉన్నట్లు ప్రచారం హోరెత్తుతోంది. 2021లో శింబు కథానాయకుడిగా నటించిన చిత్రం ఈశ్వరన్‌. ఇందులో నటి నిధి అగర్వాల్‌ నాయకిగా నటించారు. అప్పటి నుంచే వీరి డేటింగ్‌లో ఉన్నట్లు ప్రచారం వైరల్‌ అయ్యింది. అయితే కొద్ది రోజులకు ఆ ప్రచారం ఆగిపోయింది. కాగా తాజాగా మళ్లీ శింబు(Simbu), నిధి అగర్వాల్‌ డేటింగ్‌ వ్యవహారం వెలుగులోకి వచ్చింది. అంతే కాదు వీరి డేటింగ్‌ పెళ్లి వరకూ వెళ్లనుందని, ఇందుకు ఇరు కుటుంబ సభ్యులు అంగీకరించినట్లు, త్వరలోనే వీరు పెళ్లి పీటలు ఎక్కడానికి సిద్దం అవుతున్నట్లు ప్రచారం జోరందుకుంది. అయితే దీనికి సంబంధించి ఎలాంటి అధికారిక ప్రకటన వెలువడకపోవడం గమనార్హం.
Simbu Marriage Updates..
నటుడు శింబు(Simbu) జీవితంలో అనూహ్య విషయాలు చాలా జరిగాయనే చెప్పవచ్చు. అందుకే ఆయన్ను సంచలన నటుడు అంటారు. బాలనటుడిగా పరిచయం అయిన శింబు సీనియర్‌ దర్శక, నటుడు, నిర్మాత టి.రాజేందర్‌ వారసుడన్నది ప్రత్యేకంగా చెప్పాల్సిన అవసరం ఉండదు. శింబు కూడా బహుముఖ ప్రతిభావంతుడు. నటుడిగా, దర్శకుడిగా, గాయకుడిగా, గీత రచయితగా, సంగీతదర్శకుడిగా ప్రతిభను నిరూపించుకుని స్టార్ హీరోలలో ఒకరిగా రాణిస్తున్నారు. అయితే నటి నయనతారతో ప్రేమలో మునిగి తేలిన శింబు అది పెళ్లికి దారి తీయకపోవడంతో, ఆ తరువాత నటి హన్సికతో ప్రేమ పెళ్లి వరకూ వెళ్లి ఆగిపోయింది. అయితే తన కొడుకుది ప్రేమ వివాహమే అవుతుందని టి.రాజేందర్‌ ఆ మధ్య బహిరంగంగానే చెప్పారు.
నటుడిగా బిజీగా ఉన్న ఆయన ప్రస్తుతం కమల్‌హాసన్‌ హీరోగా నటిస్తున్న థగ్‌లైఫ్‌ చిత్రంలో ప్రధాన పాత్రను పోషించారు. మణిరత్నం దర్శకత్వం వహిస్తున్న ఈ చిత్రం ప్రస్తుతం నిర్మాణాంతర కార్యక్రమాలు జరుపుకుంటోంది. కమల్‌ హాసన్‌ సొంతంగా నిర్మిస్తున్న చిత్రంలోనూ నటిస్తున్నారు. రాజ్‌కుమార్‌ పెరియసామి దర్శకత్వం వహిస్తున్న ఇందులో శింబు చాలాకాలం తరువాత ద్విపాత్రాభినయం చేయనుండడం విశేషం. ఇది ఆయన నటించే 48వ చిత్రం అవుతుంది. దీని తరువాత మరో చిత్రానికి గ్రీన్‌ సిగ్నల్‌ ఇచ్చినట్లు ప్రచారం జరుగుతోంది.
Also Read : Laggam: అక్టోబర్ 25న వస్తున్న‘లగ్గం’ ! రిలీజ్ డేట్ పోస్టర్ విడుదల చేసిన సుధీర్ బాబు !