దుబాయ్ – సైమా అవార్డ్స్ 2023 అవార్డుల ప్ర‌దానోత్స‌వం దుబాయ్ వేదిక‌గా అంగ‌రంగ వైభ‌వోపేతంగా కొన‌సాగింది. భారీ ఎత్తున తారాగ‌ణం పాల్గొంది. తార‌ల త‌ళుకు బెళుకుల‌తో నిండి పోయింది. ఇందులో భాగంగా ప్ర‌తి ఏటా సైమా తెలుగు, త‌మిళం, మ‌ల‌యాళం, క‌న్న‌డ సినీ రంగాల‌కు చెందిన న‌టీ న‌టులు, సాంకేతిక నిపుణుల‌ను ప్ర‌తి ఏటా ఎంపిక చేస్తూ వ‌స్తోంది.
భార‌త దేశానికి చెందిన దిగ్గ‌జ ద‌ర్శ‌కుడు ఎస్ఎస్ రాజ‌మౌళి ద‌ర్శ‌క‌త్వంలో వ‌చ్చిన ఆర్ఆర్ఆర్ చిత్రం ప్ర‌పంచ వ్యాప్తంగా గుర్తింపు పొందింది. తొలిసారిగా తెలుగు సినిమాకు ఆస్కార్ అవార్డు ద‌క్కింది. చంద్ర‌బోస్ రాసిన నాటు నాటు సాంగ్ కు , చిత్ర సంగీత ద‌ర్శ‌కుడిగా ఎంఎం కీర‌వాణికి పుర‌స్కారం ల‌భించింది.
తాజాగా ఆర్ఆర్ఆర్ చిత్రంలో రామ్ చ‌ర‌ణ్ తో పాటు జూనియ‌ర్ ఎన్టీఆర్ న‌టించారు. అద్భుత‌మైన న‌ట‌న ప్ర‌ద‌ర్శించినందుకు గాను ఎన్టీఆర్ కు సైమా అవార్డు ప్ర‌క‌టించింది. ఈ మేర‌కు దుబాయ్ వేదిక‌గా అవార్డును అందుకున్నారు. ఈ సంద‌ర్బంగా జూనియ‌ర్ ఎన్టీఆర్ ప్ర‌సంగించారు.
జక్కన్న అద్భుత‌మైన ప‌ర్ ఫార్మెన్స్ వ‌ల్ల‌నే త‌న‌కు ఈ అవార్డు ద‌క్కింద‌న్నారు తార‌క్. పుర‌స్కారం ద‌క్క‌డం ప‌ట్ల సంతోషం క‌లిగింద‌ని చెప్పారు.