Coolie : రజనీకాంత్ నటిస్తున్న 170వ చిత్రం వేటయన్. ఈ చిత్రానికి జైబీమ్ ఫేమ్ టి.ఎస్.జ్ఞానవేల్ దర్శకత్వం వహిస్తున్నారు. జైలర్ తర్వాత మ్యూజిక్ కంపోజర్ అనిరుధ్ ఈ చిత్రానికి సంగీతం అందిస్తున్నారు. ఈ చిత్రంలో అమితాబ్ బచ్చన్, మంజు వారియర్, ఫహద్ ఫాజిల్, రానా దగ్గుబాటి, రితికా సింగ్, తుషార విజయన్ ప్రధాన పాత్రలు పోషిస్తున్నారు. అనిరుధ్ సంగీతం సమకూరుస్తున్న ఈ చిత్రాన్ని లైకా సంస్థ నిర్మిస్తోంది. అక్టోబర్ 10న వేటయన్ చిత్రాన్ని విడుదల చేయనున్నట్లు చిత్ర బృందం ప్రకటించింది. ఇదిలా ఉంటే ఈ సినిమాతో పాటు మరో సినిమాను కూడా లైనప్ చేశారు సూపర్ స్టార్. రజనీకాంత్ తన 171వ చిత్రానికి అట్టహాసంగా శ్రీకారం చుట్టారు. రజనీకాంత్ నటించిన ఈ చిత్రానికి దర్శకుడు లోకేష్ కనగరాజ్ దర్శకత్వం వహిస్తున్నారు. ఈ చిత్రానికి ‘కూలీ(Coolie)’ అనే టైటిల్‌ను ఖరారు చేశారు. గతంలో ఈ సినిమా పోస్టర్, టైటిల్ టీజర్ విడుదలై అభిమానులను ఎంతగానో ఆకట్టుకున్నాయి. దాంతో ఈ సినిమాపై అంచనాలు ఏర్పడ్డాయి. సన్ పిక్చర్స్ ఈ చిత్రాన్ని నిర్మిస్తోంది. ఈ సినిమా షూటింగ్ శరవేగంగా జరుగుతోంది.
Coolie Movie Updates
దళపతి విజయ్‌తో ‘మాస్టర్’, ‘లియో’ వంటి రెండు హిట్ చిత్రాలను, కమల్ హాసన్‌కి బ్లాక్‌బస్టర్ హిట్ ‘విక్రమ్’ని అందించిన లోకేష్ కనగరాజ్, సూపర్ స్టార్ రజనీకాంత్‌తో తొలిసారిగా సినిమా చేస్తుండటంతో ఈ మూవీపై అభిమానుల్లో అంచనాలు భారీగా పెరిగిపోయాయి. అనిరుద్ సంగీతం అందిస్తున్న ఈ సినిమా వచ్చే ఏడాది ప్రేక్షకుల ముందుకు రానుంది.ఇక ఈ చిత్రంలో నటిస్తున్న నటీనటుల లుక్ తో పోస్టర్స్ ను చిత్రబృందం 28వ తేదీ నుంచి విడుదల చేస్తోంది. ముందుగా మలయాళ నటుడు చౌబిన్ షకీర్ పోస్టర్‌ను చిత్ర బృందం విడుదల చేసింది. మంజుమ్మల్ బాయ్స్‌లో నటించి తెలుగు ప్రేక్షకుల దృష్టిని ఆకర్షించాడు. ఈ నేపథ్యంలో టాలీవుడ్ సూపర్‌స్టార్ నాగార్జున పోస్టర్‌ను చిత్రబృందం విడుదల చేసింది.తాజాగా నటి శ్రుతిహాసన్‌ డెబ్యూ పోస్టర్‌ను చిత్ర బృందం విడుదల చేసింది. ప్రీతీ పాత్రలో శృతి హాసన్(Shruti Haasan) నటిస్తుందని ప్రకటించారు. ఈ సినిమాలో శ్రుతి హాసన్ లుక్ ప్రేక్షకులను ఆకట్టుకుంది.
Also Read : Mahesh Babu : మహేష్ బాబు సినిమాలో మరో తమిళ అగ్ర హీరో