Shraddha Srinath: మాస్ కా దాస్ విశ్వ‌క్ సేన్ న‌టించిన తాజా సినిమా ‘మెకానిక్ రాకీ’. SRT ఎంటర్‌టైన్‌మెంట్స్ బ్యానర్ పై ప్రముఖ నిర్మాత రామ్ తాళ్లూరి భారీ బడ్జెట్‌ తో నిర్మించిన ఈ సినిమాతో రవితేజ ముళ్లపూడి ద‌ర్శ‌కుడిగా ప‌రిచ‌యం అవుతున్నారు. ఈ సినిమాలో మీనాక్షి చౌదరి హీరోయిన్‌గా నటిస్తోంది. కామెడీ, యాక్షన్ ఎంటర్‌టైనర్‌గా రూపొందిస్తున్న ఈ సినిమాకి టాప్ టెక్నిషియన్స్ పనిచేస్తున్నారు. ఈ చిత్రానికి జేక్స్ బిజోయ్ సంగీతం అందిస్తుండగా… మనోజ్ కటసాని డీవోపీ, అన్వర్ అలీ ఎడిటర్, క్రాంతి ప్రియం ప్రొడక్షన్ డిజైనర్, సత్యం రాజేష్, విద్యాసాగర్ జె ఎగ్జిక్యూటివ్ ప్రొడ్యూసర్స్ గా వ్యవహరిస్తున్నారు. ఈ సినిమాకు సంబంధించి ఇటీవల విడుదల చేసిన ఫస్ట్ లుక్ , టీజర్, రిలీజ్ డేట్ పోస్టర్‌ తో ఈ సినిమపై అంచనాలు బారీగా పెరిగాయి.
Shraddha Srinath Movie Updates
దీపావళి కానుకగా ‘మెకానిక్ రాకీ’ ని అక్టోబర్ 31న ప్రపంచవ్యాప్తంగా థియేటర్లలో విడుదల చేస్తున్నట్లు ఇటీవలే ప్రకటించిన మూవీ మేకర్స్… ఈ సినిమా నుండి మరో కీలకమైన అప్ డేట్ ఇచ్చారు. ఈ సినిమాలో మీనాక్షీ చౌదరితో పాటు ‘జెర్సీ’ ఫేమ్‌ శ్రద్ధా శ్రీనాథ్‌ కూడా రెండో కథానాయకిగా నటిస్తున్నట్లు ప్రకటించారు. ఈ మేరకు సినిమాలోనికి శ్రద్ధా శ్రీనాథ్‌(Shraddha Srinath)ని స్వాగతిస్తూ, ఆమె ఫస్ట్ లుక్ పోస్టర్‌ను విడుదల చేశారు మేకర్స్. ప్రచార చిత్రంలో ఆమె అల్ట్రా మోడ్రన్‌ లుక్‌లో చిరునవ్వులు చిందిస్తూ కనిపించింది.
‘‘మెకానిక్ రాకీ ప్రపంచంలోకి అడుగుపెడుతున్నా’’ అని ఈ సందర్భంగా శ్రద్ధా శ్రీనాథ్‌ పేర్కొన్నారు. ‘‘ముక్కోణపు ప్రేమకథగా రూపొందుతోన్న చిత్రం ‘మెకానిక్ రాకీ’. మాస్ యాక్షన్, కామెడీ ఎంటర్‌టైనర్‌గా ఈ సినిమా తెరకెక్కుతోంది. దీపావళి కానుకగా అక్టోబర్ 31న సినిమాని విడుదల చేయనున్నాం’’ అని చిత్రయూనిట్‌ పేర్కొంది.
Also Read : Manchu Vishnu: గోల్డెన్‌ వీసా అందుకున్న మంచు విష్ణు !