Sharwanand: ఎవరకైనా ఓ సినిమా హీరో లేదా హీరోయిన్ బర్త్ డే వస్తుందంటే చాలు… చాలా చిత్ర నిర్మాణ సంస్థలు లేదా దర్శకులు వారి నెక్స్ట్ సినిమాకు సంబంధించిన అప్ డేట్స్ ఇస్తుంటారు. ఆ హీరో లేదా హీరోయిన్ చేయబోయే కొత్త సినిమా వివరాలు, టైటిల్ రిలీజ్, ఫస్ట్ లుక్, టీజర్, ట్రైలర్ ఇలా ఏదో ఒకటి రిలీజ్ చేస్తూ ఉంటారు. ఈ నేపథ్యంలో తమ అభిమాన హీరో బర్త్ డే వస్తుందంటే చాలు… కొత్త సినిమాల అప్ డేట్ కోసం ఆశక్తిగా ఎదురుచూస్తుంటారు. అయితే టాలీవుడ్ యంగ్ హీరో శర్వానంద్(Sharwanand) మాత్రం తన బర్త్ డే సందర్భంగా అభిమానులకు స్పెషల్ సర్ ప్రైజ్ ఇచ్చారు. తన పుట్టిన రోజును పురస్కరించుకుని కుటుంబంతో దిగిన ఫోటోలను తన సోషల్ మీడియాలో పోస్ట్ చేసారు.
Sharwanand Birthday Surprise
అయితే కుటుంబంతో దిగిన ఫోటోలలో ఏం సర్ ప్రైజ్ ఉంటుందనుకుంటున్నారా… చాలా సర్ ప్రైజ్ ఉంది. రెండేళ్ళ క్రితం రక్షిత అనే ఓ సాఫ్ట్ వేర్ యువతిని పెళ్ళి చేసుకుని ఓ ఇంటివాడని శర్వానంద్… చాలా రోజుల తరువాత మొదటిసారి తన ఫ్యామిలీ ఫోటోను సోషల్ మీడియాలో షేర్ చేసాడు. ఆ ఫోటోలు ఇటీవల జన్మించిన తన గారాల పట్టి కూడా ఉంది. ఇన్నిరోజులు తాను తండ్రైన విషయం చెప్పని శర్వానంద్… ఒక్కసారిగా తన కుమార్తె ఫోటోలు షేర్ చేయడంతో అభిమానులు, నెటిజన్లు శుభాకాంక్షలు తెలుపుతున్నారు.
అంతేకాదు తన ముద్దుల తనయకు లీలా దేవి అని పేరు పెట్టినట్లు శర్వానంద్ తెలిపాడు. దీనితో శర్వానంద్ ఫ్యామిలీ ఫోటో ఇప్పుడు నెట్టింట వైరల్ గా మారుతోంది. ఇక శర్వానంద్ సినిమాల విషయానికొస్తే… శ్రీరామ్‌ ఆదిత్య దర్శకత్వంలో ‘మనమే’, అభిలాష్‌ రెడ్డి డైరెక్షన్‌ లో శర్వా-36 వర్కింగ్ టైటిల్ తో ఓ మూవీ, రామ్ అబ్బరాజుతో ఓ సినిమాలో నటిస్తున్నారు.
Also Read : Shaitaan: జ్యోతిక ‘సైతాన్‌’ సినిమాకు సెన్సార్ బోర్డు షరతులు ?