Shanmukh Jaswanth: యూట్యూబర్‌, బిగ్‌బాస్‌ ఫేం షణ్ముఖ్ గంజాయి సేవిస్తూ నార్సింగి పోలీసులకు రెడ్ హ్యాండెడ్ గా పట్టుపడ్డాడు. షణ్ముఖ్ తో పాటు అతని సోదరుడు సంపత్ వినయ్ ను కూడా పోలీసులు అదుపులోకి తీసుకున్నారు. ప్రేమ విషయమై ఓ యువతి ఇచ్చిన ఫిర్యాదు మేరకు సంపత్ వినయ్ కోసం తన ఫ్లాట్ కు వెళ్ళిన నార్సింగి పోలీసులకు… అక్కడ షణ్ముఖ్ గంజాయి సేవిస్తూ సేవిస్తూ కనిపించాడు. అతని వద్ద 16 గ్రాముల గంజాయి లభించడంతో పోలీసులు అతన్ని అదుపులోకి తీసుకున్నారు. ఇక పూర్తి వివరాల్లోకి వెళితే…
Shanmukh Jaswanth Case Viral
షణ్ముఖ్ సోదరుడు సంపత్ వినయ్ ఆంధ్రప్రదేశ్‌ కి చెందిన ఓ యువతితో పదేళ్లుగా ప్రేమలో ఉన్నాడు. ఇద్దరికి గతంలో నిశ్చితార్థం కూడా జరిగింది. ఈ నేపథ్యంలో పెళ్లికి కూడా ముహూర్తం కూడా పెట్టుకున్న వినయ్… గత కొంతకాలంగా ఆమెను దూరం పెట్టాడు. అయితే 20 రోజుల క్రితం వేరే యువతిని రహస్యంగా పెళ్లి చేసుకున్నాడు. ఈ విషయం తెలుసుకున్న వినయ్ ప్రియురాలు మౌనిక పోలీసులను ఆశ్రయించింది. తనను ప్రేమ పేరుతో మోసం చేశాడని ఫిర్యాదులో పేర్కొంది. దీనితో మౌనికతో పాటు నార్సింగి పోలీసులు వినయ్ ఫ్లాట్ కు వెళ్ళారు. అయితే అక్కడ అనూహ్యంగా షణ్ముఖ్(Shanmukh Jaswanth) గంజాయి సేవిస్తూ కనిపించాడు. అతడ్ని అదుపులోనికి తీసుకోగా అతని వద్ద 16 గ్రాముల గంజాయి లభించింది. దీనితో షణ్ముఖ్ తో పాటు అతని సోదరుడు వినయ్ పై కేసు నమోదు చేసిన నార్సింగి పోలీసులు దర్యాప్తు ప్రారంభించారు.
షార్ట్‌ ఫిల్మ్స్‌తో కెరీర్‌ ప్రారంభించిన షణ్ముఖ్… ‘సాఫ్ట్‌వేర్‌ డెవలపర్స్‌’ వెబ్‌ సిరీస్‌తో పాపులర్‌ అయ్యాడు. ప్రస్తుతం ఫేమస్‌ యూట్యూబర్‌గా గుర్తింపు పొందాడు. ఆ తరువాత బిగ్ బాస్ తెలుగు లో ఎంట్రీ ఇచ్చిన షణ్ముఖ్… తనదైన శైలి ఆటతో రన్నరప్ గా నిలిచిచాడు. సినిమా దర్శకుడు కావాలనే కోరికతో ఇండస్ట్రీలోకి వచ్చానని పలుమార్లు చెప్పిన షణ్ముఖ్… గతంలో జూబ్లీహిల్స్‌ లో కార్‌ యాక్సిడెంట్‌ చేసిన వార్తల్లో నిలిచాడు. మద్యం సేవించి కారు నడిపిన షణ్ముఖ్ పై అప్పట్లో పోలీసులు కేసు నమోదు చేసారు.
Also Read : Actor Trisha : విక్టరీ వెంకటేష్ తో నాలుగో సినిమాకు సైన్ చేసిన త్రిష