Shakila : ఓ తెలుగు అగ్రహీరోపై తమిళ నటి విచిత్ర చేసిన కాస్టింగ్ కౌచ్ ఆరోపణలు మరచిపోకముందే… దివంగత డైరక్టర్ పై నటి షకీలా చేసిన లైంగిక వేధింపుల ఆరోపణలు టాలీవుడ్ లో ప్రకంపనలు సృష్టిస్తున్నాయి. తాజాగా విచిత్రకు మద్దతు తెలుపుతూ తాను కూడా ఇలాంటి చేదు అనుభవాలు ఎదుర్కొన్నట్లు షకీల(Shakila) ఓ యూట్యూబ్ ఛానెల్ కు ఇచ్చిన ఇంటర్వూలో వెల్లడించారు. అయితే విచిత్ర ఆ టాలీవుడ్ అగ్ర హీరో పేరు బటయకు చెప్పకపోయినప్పటికీ… షకీలా మాత్రం ఆ డైరెక్టర్ పేరును బహిరంగంగా వెల్లడించింది. టాలీవుడ్ హీరో అల్లరి నరేశ్‌ తండ్రి, ప్రముఖ దర్శకుడు ఈవీవీ సత్యనారాయణ తనను అడ్జస్ట్‌మెంట్‌ గురించి అడిగాడని ఆమె ఆరోపించింది.
Shakila – విచిత్ర అతడి పేరు చెప్పితే బాగుండేది- షకీలా
తమిళ యూట్యూబ్ ఛానల్‌కు ఇచ్చిన ఓ ఇంటర్వ్యూలో షకీలా(Shakila) మాట్లాడుతూ.. ‘విచిత్ర నా స్నేహితురాలు. మేమిద్దరం కొన్ని సినిమాల్లో కలిసి నటించాం కూడా! ఏ హీరో తనను గదిలోకి పిలిచాడు? ఎవరి వల్ల ఇండస్ట్రీని వదిలేయాల్సి వచ్చిందనేది చెప్తే బాగుండేది. అతడి పేరు బయటపెట్టి ఉండాల్సింది. నేను ఇప్పటికీ తెలుగు ఇండస్ట్రీలో పని చేస్తున్నాను. గతంలో నేను కూడా ఇక్కడ ఎన్నో ఇబ్బందులు పడ్డాను. ఒకానొక సమయంలో అల్లరి నరేశ్‌ తండ్రి, దివంగత దర్శకుడు ఈవీవీ సత్యనారాయణ నన్ను అడ్జస్ట్‌మెంట్‌ అడిగాడు అని ఆమె ఆరోపించింది.
ఇంకో సినిమా కావాలంటే అడ్జెస్ట్ అవ్వాలని దర్శకుడు అడిగాడు- షకీలా
దర్శకుడు ఈవీవీ సత్యనారాయణ తో ఓ సినిమా చేసిన సమయంలో తనతో అడ్జస్ట్‌ అయితే నాకు నెక్స్ట్‌ సినిమా ఛాన్స్‌ ఇస్తానన్నాడంటూ ఆమె సంచలన ఆరోపణలు చేసింది. అయితే ప్రస్తుతం నటించిన సినిమాకు సంబంధించి నాకు డబ్బులిచ్చేశారు. ఇంకో సినిమా ఛాన్స్‌ నాకు అక్కర్లేదు. అంత అవసరం కూడా లేదు అంటూ ముఖం మీదే చెప్పాను అను సమర్ధించుకుంది. ఇప్పుడాయన బతికి లేరు. కాని గురించి నన్ను టాలీవుడ్ ఇండస్ట్రీ ఇప్పుడు పిలిచి అడిగినా చెప్తా.. అవును, ఆ రోజు ఆయన నన్ను తన గదికి పిలిచాడు. ఇదే నిజం..’ అంటూ ఆమె బల్లగుద్ది మరీ చెప్పింది. ప్రస్తుతం షకీలా వ్యాఖ్యలు టాలీవుడ్‌లో ప్రకంపనలు రేపుతున్నాయి. బోల్డ్‌ నటిగా పేరు తెచ్చుకున్న షకీల… బిగ్‌బాస్‌ తెలుగు ఏడో సీజన్‌లో అడుగుపెట్టి… రెండు వారాలకే హౌస్‌లో నుంచి ఎలిమినేట్‌ అయింది.
బిగ్రేడ్/సాఫ్ట్‌ ఫోర్న్ సినిమాల అగ్ర హీరోయిన్ గా షకీలా
“ప్లేగర్ల్స్” అనే తమిళ చిత్రంతో కెరీర్ ను ప్రారంభించిన తెలుగమ్మాయి షకీలా. తర్వాత “కిన్నెర తుంబికళ్” తో మళయాళం… “మొదటి అనుభవం” తో తెలుగు చిత్రాలతో మంచి పాపులారిటీ సంపాదించింది. ఆ తరువాత తమిళం, మళయాళం, తెలుగు, కన్నడ, హిందీ సినిమాల్లో నటించిన షకీలా… ఎక్కువ సినిమాలు “బి” గ్రేడ్ లేదా ‘సాఫ్ట్‌ పొర్న్’ సినిమాలు చేసింది. ఒకానొక సమయంలో షకీలా సినిమా రిలీజ్ కు పెద్ద పెద్ద హీరోలు కూడా తమ సినిమాను విడుదల చేయానికి భయపడేంత పాపులారిటీను షకీలా సంపాదించుకుంది. నిక్కరేసుకున్న పిల్లోడి నుండి పండు ముసలి వరకు షకీలా సినిమాలంటే పడి చచ్చేవారు.
Also Read : Neena Gupta: తప్పుడు మనుషులతో డేటింగ్ చేసానంటూ బాలీవుడ్ బ్యూటీ పశ్చాతాపం