విజయ్ దేవరకొండ సినిమాలో సత్యదేవ్ ?
గౌతమ్‌ తిన్ననూరి దర్శకత్వంలో విజయ్ దేవరకొండ కథానాయకుడిగా ఓ చిత్రం రూపొందుతోన్న సంగతి తెలిసిందే. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ, సాయి సౌజన్య సంయుక్తంగా ఈ సినిమాను నిర్మిస్తున్నారు. స్పై యాక్షన్‌ థ్రిల్లర్‌ గా ముస్తాబవుతున్న ఈ సినిమాలో విజయ్ కు జోడీగా భాగ్యశ్రీ బోర్సే నటిస్తోంది. మ్యూజిక్ సన్సేషన్ అనిరుధ్‌ రవిచంద్రన్ ఈ సినిమాకు సంగీతం అందిస్తున్నారు. అయితే ఈథ సినిమాకు సంబంధించి ఓ ఇంట్రెస్టింగ్ న్యూస్ ఇప్పుడు సోషల్ మీడియాను షేక్ చేస్తుంది.
ఇటీవల కృష్ణమ్మ సినిమాతో సూపర్ హిట్ కొట్టిన సత్యదేవ్ ఈ సినిమాలో కీలక పాత్రలో కనిపించనున్నారని సమాచారం. ఈ సినిమాలో సత్యదేవ్ ది పూర్తి నిడివి ఉన్న పాత్ర అని… కథలో తన పాత్రకు ఎంతో ప్రాధాన్యముందని తెలుస్తోంది. ప్రస్తుతం వైజాగ్‌ లో శరవేగంగా షూటింగ్ జరుపుకుంటున్న ఈ సినిమాలో త్వరలోనే సత్యదేవ్ పాల్గొంటారని టాలీవుడ్ వర్గాల సమాచారం. సత్యదేవ్ ఇప్పటికే గాడ్ ఫాదర్ సినిమాలో మెగాస్టార్ చిరంజీవికి ప్రతినాయకుడి పాత్ర పోషించి మంచి మార్కులు కొట్టిన సంగతి తెలిసిందే. ఈ నేపథ్యంలో విజయ్ దేవరకొండ, సత్యదేవ్ ల కాంబినేషన్ కూడా హిట్ అవుతుందని నెటిజన్లు కామెంట్లు పెడుతున్నారు.