Saripodhaa Sanivaaram: ‘దసరా’, ‘హాయ్‌ నాన్న’ సినిమాలతో వరుస విజయాలతో జోరుమీదున్న నేచురల్ స్టార్ నాని(Nani)… ఇప్పుడు ‘సరిపోదా శనివారం’తో ప్రేక్షకులను అలరించేందుకు సిద్ధమవుతున్నారు. డీవీవీ ఎంటర్‌టైన్‌మెంట్స్ పతాకంపై వివేక్ ఆత్రేయ దర్శకత్వంలో తెరకెక్కిస్తున్న ఈ సినిమాలో నాని సరసన ప్రియాంక అరుల్‌ మోహన్‌ నటిస్తున్నారు. ‘అంటే సుందరానికీ’ సినిమా తర్వాత వీరిద్దరి కాంబినేషన్ లో వస్తున్న ఈ సినిమాలో ఎస్.జే.సూర్య కీలక పాత్ర పోషిస్తున్నారు. ‘అంటే సుందరానికీ’ సినిమాలో చాలా సాఫ్ట్‌ పాత్రలో కనిపించిన నాని… ఈ సినిమాలో మునుపెన్నడూ చూడని యాక్షన్‌-ప్యాక్డ్‌ క్యారెక్టర్‌ లో కనిపించబోతున్నారు. దీనితో ఈ సినిమాపై భారీగా అంచనాలు పెరిగిపోయాయి. ఈ సినిమాకు సంబంధించి ఇప్పటికే విడుదల చేసిన ఫస్ట్ లుక్, టైటిల్ లుక్, టీజర్ కు మంచి రెస్పాన్స్ రావడంతో… విడుదల కోసం అభిమానులు ఆశక్తిగా ఎదురుచూస్తున్నారు. ఈ నేపథ్యంలో ఈ సినిమా రిలీజ్ డేట్ ను అధికారికంగా ప్రకటించింది చిత్ర యూనిట్.
Saripodhaa Sanivaaram Nani Movie Updates
నాని, వివేక్ ఆత్రేయ కాంబినేషన్ లో వస్తున్న ‘సరిపోదా శనివారం(Saripodhaa Sanivaram)’ ఆగస్ట్‌ 29న విడుదల చేస్తున్నట్లు మూవీ మేకర్స్ డీవీవీ ఎంటర్ టైన్ మెంట్స్ తమ అధికారిక సోషల్ మీడియా అకౌంట్ ద్వారా అనౌన్స్‌ చేశారు. అంతేకాదు హీరో నాని పిడికిలి బిగించి మరో చెత్తో రౌడీని పట్టుకున్న లుక్ తో ఉన్న పోస్టర్ ను కూడా పోస్ట్ చేసారు. పాన్ ఇండియా స్థాయిలో తెలుగు, తమిళం, కన్నడ, మలయాళం, హిందీ భాషల్లో ఈ సినిమాను విడుదల చేస్తున్నట్లు ప్రకటించారు. థియేటర్లో మాస్ ట్రీట్ కి ప్రిపేర్ అయిపోండి అంటూ నిర్మాణ సంస్థ ట్వీట్ చేసింది. ప్రస్తుతం నిర్మాణ సంస్థ పెట్టిన ట్వీట్ సోషల్ మీడియాలో వైరల్ గా మారుతోంది. నాని అన్న మాస్ జాతరకు మేం రెడీ అంటూ అభిమానులు కామెంట్లు పెడుతున్నారు.
Also Read : Premalu : మలయాళం బ్లాక్ బస్టర్ సినిమా ‘ప్రేమలు’ తెలుగులో..వైరల్ అవుతున్న ట్రైలర్