Santhanam: కోలీవుడ్ స్టార్ కమెడియన్స్ లో పరిచయం అక్కర్లేని పేరు సంతానం. తన పంచ్ డైలాగ్ లతో కోలీవుడ్ తో పాటు టాలీవుడ్ లో కూడా మంచి కమెడియన్ గా గుర్తింపు పొందారు. రజనీకాంత్ వంటి అగ్రహీరోలను ఇమిటేట్ చేయడంలో సంతానం స్టైలే వేరు. కమెడియన్ గా ప్రేక్షకులకు దగ్గరైన సంతానం(Santhanam)… హీరోగా మారబోతున్నాడు. గోపురం ఫిలిమ్స్‌ పతాకంపై జీఎన్‌ అన్భచెలియన్‌ సమర్పణలో సుస్మిత అన్భచెల్లియన్‌ నిర్మిస్తున్న ‘ఇంగ నాన్‌ దాన్‌ కింగ్‌’ (తెలుగులో ‘ఇక్కడ నేనే కింగ్‌’) సినిమాతో ప్రేక్షకుల ముందుకు రాబోతున్నాడు. ఆనంద్‌ నారాయణన్‌ దర్శకత్వం వహిస్తున్న ఈ సినిమాలో సంతానం సరసన యంగ్ హీరోయిన్ ప్రియాలయ నటిస్తున్నారు. తంబి రామయ్య, మనోబాల, వైవిధ్య భరిత పాత్రలు పోషించిన ఇందులో మనీష్‌ కాంత్‌, వివేక్‌ ప్రసన్న ముఖ్యపాత్రల్లో నటించారు.
Santhanam Movie Updates
సంతానం హీరోగా నటించిన ‘ఇంగ నాన్‌ దాన్‌ కింగ్‌’ సినిమాకు సంబంధించిన టైటిల్, ఫస్ట్ లుక్ ను కోలీవుడ్ స్టార్ హీరో కమల్ హాసన్‌ రిలీజ్ చేశారు. దీనితో ‘ఇంగ నాన్‌ దాన్‌ కింగ్‌’ సినిమా టైటిల్, ఫస్ట్ లుక్ ప్రస్తుతం సోషల్ మీడియాలో వైరల్ అవుతోంది. దీనితో సంతానంకు అభిమానులు ఆల్ ది బెస్ట్ చెప్తూ మెసేజ్ లు పెడుతున్నారు. ‘ఇంగ నాన్‌ దాన్‌ కింగ్‌’ వినోదంతో కూడిన మంచి కుటుంబ కథా చిత్రం అని దర్శకుడు ఆనంద్‌ నారాయణన్‌ ఈ సందర్భంగా తెలిపారు. ఇమాన్‌ సంగీతం అందించిన ఈ సినిమా షూటింగ్ ను చైన్నె పరిసర ప్రాంతాల్లో పూర్తి చేసినట్లు చెప్పారు. ఈ సినిమాను సమ్మర్‌ స్పెషల్ గా విడుదల చేయడానికి సన్నాహాలు చేస్తున్నట్లు చిత్ర నిర్మాణ సంస్థ వెల్లడించింది.
Also Read : Viswambhara Movie : మెగాస్టార్ ‘విశ్వంభర’ పాట చిత్రీకరణకు స్పెషల్ సెట్టా..!