Sankranthiki Vasthunnam : ‘ఎఫ్‌ 2’, ‘ఎఫ్‌ 3’ చిత్రాల సక్సెస్‌ తర్వాత విక్టరీ వెంకటేశ్‌ – దర్శకుడు అనిల్ రావిపూడి కాంబినేషన్‌లో తెరకెక్కుతోన్న సినిమా ‘సంక్రాంతికి వస్తున్నాం(Sankranthiki Vasthunnam)’. ఈ సినిమా సంక్రాంతి కానుకగా రిలీజ్ కానున్న విషయం తెలిసిందే. మీనాక్షి చౌదరి, ఐశ్వర్య రాజేశ్‌ హీరోయిన్లుగా అనిల్ రావిపూడి మార్క్‌ ఫన్‌, ఫ్యామిలీ ఎంటర్‌టైనర్‌గా ఈ సినిమా సిద్థమవుతోంది. అయితే ఈ సినిమా ద్వారా మ్యూజిక్ ప్రియుల కోరిక తీరబోతుంది 18 ఏళ్ల తర్వాత ఒక లెజండరీ కాంబో మళ్ళీ రిపీట్ కానుంది. అయితే ఈ కాంబో సెట్ అయినా అదే మ్యాజిక్ రిపీట్ అవుతుందా అనే సందేహాలు వ్యక్తం చేస్తున్నారు మరికొందరు.
Sankranthiki Vasthunnam Movie Updates
ఈసినిమాకి సెన్సేషనల్ మ్యూజిక్ డైరెక్టర్ భీమ్స్ సిసిరోలియా సంగీతం అందిస్తుండగా గీత రచయిత భాస్కరభట్ల లిరిక్స్ రాశారు. అయితే ఈ సినిమాలో వెంకీ కోసం ఒక ప్రత్యేకమైన సాంగ్ రూపొందించారట వీరిద్దరూ. ఈ సాంగ్ పాడటానికి లెజండరీ సింగర్, కంపోజర్ ‘రమణ గోగుల’ కరెక్ట్ అని డిసైడ్ అయ్యారట. కాగా, డైరెక్టర్ అనిల్ రావిపూడి కూడా నిర్మాత దిల్ రాజు మాట్లాడి ఈ కాంబోని సెట్ చేసేశారు. దీంతో రమణ గోగుల కూడా దీనికి ఓకే చెప్పేశారు. ఈ మొత్తం సంభాషణల సారాంశాన్ని మేకర్స్ ఓ వీడియో రూపంలో విడుదల చేశారు. దీంతో ఫ్యాన్స్ ఫుల్ ఖుషి అవుతున్నారు.
Also Read : Pushpa 2 : జక్కన్నను రంగంలోకి దించిన పుష్ప టీమ్