Samantha: దక్షిణాది భాషల్లో స్టార్ హీరోయిన్ గా గుర్తింపు తెచ్చుకున్న నటి సమంత… కొత్త ప్రయాణాన్ని ప్రారంభించారు. టాలీవుడ్, కోలీవుడ్ అని తేడా లేకుండా స్టార్ హీరోయిన్ గా కొనసాగిన సమంత… నాగచైతన్యతో విడాకుల తరువాత కొంత ఒడిదొడుకులను ఎదుర్కొంటోంది. ఫ్యామిలీ మేన్-2 వెబ్ సిరీస్ తరువాత కాస్తా గ్యాప్ తీసుకున్న సమంత… ఇటీవల విజయ్ దేవరకొండతో కలిసి ఖుషీ సినిమాలో నటించారు. తాజాగా వరుణ్ ధావన్ తో కలిసి నటించిన సిటాడెట్ వెబ్ సిరీస్ త్వరలో స్ట్రీమింగ్ కు సిద్దమౌతోంది. ఈ నేపథ్యంలో సమంత(Samantha) వృత్తిపరంగా కొత్త ప్రయాణాన్ని ప్రారంభించారు.
Samantha – ట్రాలాలా మూవింగ్ పిక్చర్స్ ను ప్రారంభించిన సమంత
టాలీవుడ్, కోలీవుడ్ అని తేడా లేకుండా స్టార్ హీరోయిన్ గా గుర్తింపు తెచ్చుకున్న నటి సమంత… తాజా ఓ నిర్మాణ సంస్థను నెలకొల్పినట్లు సోషల్ మీడియా వేదికగా ప్రకటించారు. ఆ ప్రొడక్షన్‌ హౌస్‌కు ‘ట్రాలాలా మూవింగ్ పిక్చర్స్’ పేరు పెట్టినట్లు తెలిపారు. తనకు బాగా ఇష్టమైన సాంగ్‌ ‘బ్రౌన్‌ గర్ల్‌ ఈజ్‌ ఇన్‌ ది రింగ్‌ నౌ’ (హాలీవుడ్‌) లిరిక్స్‌ స్ఫూర్తితో ట్రాలాలా అని పేరు పెట్టానని చెప్పారు. కొత్త ప్రతిభను ప్రోత్సహించడమే తమ సంస్థ లక్ష్యంగా ప్రారంభించిన ఈ నిర్మాణ సంస్థ ద్వారా వాస్తవానికి దగ్గరగా ఉండే, అర్థవంతమైన, యూనివర్సల్‌ స్టోరీలు చెప్పగలిగే దర్శకులకు ట్రాలాలా మూవింగ్ పిక్చర్స్ వేదికగా నిలుస్తుందన్నారు.
సమంతకు సినీ ప్రముఖుల శుభాకాంక్షలు
దీనితో సమంత కొత్త నిర్మాణ సంస్థ ప్రకటనపై పలువురు సినీ ప్రముఖులు సోషల్ మీడియా వేదికగా శుభాకాంక్షలు తెలుపుతున్నారు. ‘‘కామెడీ, ఎమోషన్స్‌ను నేను బాగా డీల్‌ చేయగలను. యాక్షన్‌ కోసం ప్రయత్నిస్తున్నా. ప్లీజ్‌ మేడమ్‌.. నాకో అప్లికేషన్‌ ఇవ్వండి’’ అంటూ దర్శకురాలు నందిని రెడ్డి సరదాగా కామెంట్ పెట్టారు. ‘కంగ్రాట్స్‌.. మీ సినిమాల్లో యంగ్ హీరో అవసరం ఉంటే నాకు కాల్‌ చేయండి’ అని నటుడు తేజ సజ్జ కామెంట్ పోస్ట్ చేశారు. దీనితో యంగ్ అండ్ టాలెంటెడ్ డైరెక్టర్స్ కు ట్రాలాలా మూవింగ్ పిక్చర్స్ వేదికగా నిలుస్తోందంటూ మరికొందరు కాంమెట్స్ పోస్ట్ చేస్తున్నారు.
Also Read : Mohanlal: ఆకట్టుకుంటున్న మోహన్ లాల్ ‘నెరు’ ట్రైలర్