Samantha : ఖుషీ సినిమా డిజాస్టర్ తరువాత… సినిమాలకు కాస్తా దూరంగా ఉంటూ సోషల్ మీడియాలో మాత్రం నిత్యం యాక్టివ్ గా ఉన్న టాలీవుడ్ కమ్ కోలీవుడ్ అగ్ర నటి సమంత. ఇటీవల “ది మార్వెల్” సినిమా ప్రమోషన్ లో కనిపించిన సమంత… మరల రెస్ట్ మోడ్ లోనికి వెళ్ళినట్లు తెలుస్తోంది. దీనికి క్రయోథెరపీ చేయించుకుంటున్నట్లు ఇటీవల ఆమె ఇన్ స్టా వేదికగా చేసిన పోస్ట్ నిదర్శనం. అయితే మమ్ముట్టి-జ్యోతిక ప్రధాన పాత్రలో ఇటీవల విడుదల అయిన ‘కాథల్-ది కోర్‌’ సినిమాపై తన రివ్యూ రాస్తూ మరోసారి సమంత సోషల్ మీడియా లో యాక్టివ్ గా కనిపించింది.
Samantha – ‘కాథల్-ది కోర్‌’ సినిమాపై రివ్యూ పోస్ట్ చేసిన సమంత
మమ్ముట్టి- జ్యోతిక ప్రధాన పాత్రల్లోజీయో బేబి దర్శకత్వంలో తెరకెక్కిన సినిమా ‘కాథల్-ది కోర్‌’. ఈ నెల 23న విడుదల అయిన ఈ సినిమా పాజిటివ్ టాక్ ను తెచ్చుకుంది. అయితే ఈ సినిమాను చూసిన సమంత(Samantha)… ‘‘కాథల్-ది కోర్‌’’ అద్భుతంగా ఉంది. ఈ ఏడాదిలో ఇదే ఉత్తమ చిత్రం. అందరూ చూడాల్సిన శక్తిమంతమైన సినిమా. మమ్ముట్టి నా హీరో. ఇందులో మీ నటన ఎప్పటికీ గుర్తుండిపోతుంది. ఈ సినిమా ఫీల్‌ నుంచి ఇంకా బయటకు రాలేకపోతున్నా. మంచి సినిమా చూస్తే మనసు ప్రశాంతంగా ఉంటుంది. లవ్యూ జ్యోతిక’’ అని పోస్ట్ చేశారు. అలాగే ఈ చిత్ర దర్శకుడు జీయోబాబీని లెజెండ్‌ అంటూ ఆమె ప్రశంసల వర్షం కురిపించారు. సమంత పోస్ట్‌పై ‘కాథల్-ది కోర్‌’ నిర్మాణ సంస్థ కూడా స్పందించి… ఆమెకు ధన్యవాదాలు చెబుతూ ఎక్స్‌లో పోస్ట్ పెట్టింది.
‘కాథల్-ది కోర్‌’ సినిమాపై నిషేదం విధించిన మిడిల్ ఈస్ట్ దేశాలు
మమ్ముట్టి- జ్యోతిక ప్రధాన పాత్రల్లోజీయో బేబి దర్శకత్వంలో తెరకెక్కిన సినిమా ‘కాథల్-ది కోర్‌’ సినిమాను మిడిల్ ఈస్ట్ దేశాలు ముఖ్యంగా కువైట్‌, ఖతార్‌ దేశాలు బ్యాన్‌ చేసాయి. స్వలింగ సంపర్కాన్ని ప్రోత్సహించేలా ఈ ‘కాథల్-ది కోర్‌’ సినిమా ఉండటంతో ఆయా దేశాల్లో నిషేధం విధించినట్లు తెలుస్తోంది. అయితే ఈ నెల 23న విడుదల అయిన ఈ సినిమా పాజిటివ్ టాక్ ను సంపాదించింది.
.Also Read : Anjali: అంజలి ప్రధాన పాత్రలో ‘గీతాంజలి మళ్లీ వచ్చింది’