Samantha : తెలుగు సినిమా ఇండస్ట్రీలో పెద్దగా పరిచయం అక్కర్లేని పేరు సమంత. ఏం మాయ చేసావే, బృందావనం, దూకుడు, సీతమ్మ వాకిట్లో సినిమల్లె చెట్టు, ఈగ, సన్నాఫ్ సత్యమూర్తి, అత్తాంరింటికి దారేది, జనతా గ్యారేజీ, రంగస్థలం, మజిలీ, జాను వంటి సూపర్ హిట్ సినిమాలతో టాలీవుడ్ లో స్టార్ హీరోయిన్ గా చోటు దక్కించుకుంది. అదే సమయంలో అక్కినేని వారసుడు నాగచైతన్యను వివాహం చేసుకుని ఆ స్టార్ డమ్ ను రెట్టింపు చేసుకుంది. అయితే ఏమైందో తెలియదు కాని అనూహ్యంగా నాగచైతన్యతో విడాకులు తీసుకుంది.
నాగచైతన్యతో విడాకుల అనంతరం ఫ్యామిలి మేన్ వెబ్ సిరీస్ లో నటించడంతో పాటు ఇటీవల లేడీ సూపర్ స్టార్ గా యశోద, విజయ్ దేవరకొండ తో ఖుషీ సినిమాను చేసింది. ఖుషీ సినిమాతో పాటు ప్రమోషన్ లో విజయ్ దేవరకొండతో సమంత(Samantha) కెమిస్ట్రీ చూసి అనేక పుకార్లు షికార్లు చేసాయి. అయితే ఆ సినిమా బాక్సాఫీసు ముందు అభిమానులను నిరుత్సాహపరచడంతో ప్రస్తుతం ఎవరి దారిలో వారు ఉన్నట్లు తెలుస్తోంది. ఇది ఇలా ఉండగా మార్వెల్ సినిమాటిక్ యూనివర్స్ నుంచి “ది మార్వెల్” అనే చిత్రానికి సంబంధించిన తెలుగు వర్షన్ ని సమంత ప్రమోట్ చేస్తుంది. అయితే మార్వెల్ సినిమా ప్రమోషన్ లో ఓ సినిమా జర్నలిస్టు అడిగిన ప్రశ్నలకు సమంత ఇచ్చిన సమాధానం ఇప్పుడు సోషల్ మీడియాలో హాట్ టాపిక్ గా మారింది.
Samantha – నా సూపర్ హీరో అల్లు అర్జున్
తెలుగులో మార్వెల్ సినిమాటిక్ యూనివర్స్ లాగ ఒక సూపర్ హీరో సిరీస్ ను తీస్తే మీరు సూపర్ హీరోలుగా ఎవరిని ఎంచుకుంటారు..?” అని సినిమా జర్నలిస్టు అడిగిన ప్రశ్నకు సమంత తనదైన శైలిలో సమాధానం ఇచ్చింది. ప్రస్తుతానికి నా దృష్టిలో అల్లు అర్జున్ నెంబర్ వన్ . అల్లు అర్జున్ అంటే పిచ్చి ..అతనే నా సూపర్ హీరో.. ఆయనతో పాటుగా విజయ్ దేవరకొండ కూడా” అంటూ సమాధానం ఇచ్చింది . అసలే నాగచైతన్య తో విడిపోయిన తర్వాత విజయ్ దేవరకొండ తో సమంత చనువుగా ఉంటుంది అని.. ఖుషి సినిమాలో హద్దులు మీరిపోయిందని అభిమానులు ఫైర్ అయిపోతుంటే .. ఇప్పుడు అతడే నా సూపర్ హీరో అంటూ అక్కినేని అభిమానులకు మండించే విధంగా ఆమె మాట్లాడడం మరోసారి వైరల్ గా మారింది.
Also Read : Sunil in Max: కిచ్చా సుదీప్ సినిమాలో విలన్ గా సునీల్