Samantha : గ్యాప్ తీసుకోవడం గొప్ప కాదు.. తీసుకున్నాక అదే స్థాయిలో కమ్ బ్యాక్ ఇవ్వడం గొప్ప. సమంత దీనికోసమే ప్రయత్నిస్తున్నారిప్పుడు. కానీ ఈమె ప్లానింగ్ ఏంటనేది అర్థం కావట్లేదు. అనారోగ్యంగా ఉన్నారా అంటే అదేం లేదు.. పైగా సోషల్ మీడియాలోనూ యాక్టివ్ అయ్యారు.. ఫోటోషూట్స్‌ కూడా చేస్తున్నారు. కానీ చిన్న గ్యాప్ అయితే మెయింటేన్ చేస్తున్నారు. ఇంతకీ స్యామ్ ప్లాన్ ఏంటి..? ఖుషీ తర్వాత మళ్లీ స్క్రీన్ మీద కనిపించలేదు సమంత. ఆ మధ్య సొంత నిర్మాణంలో మా ఇంటి బంగారం అనే సినిమా అనౌన్స్ చేసినా.. కొత్త అప్‌డేట్ ఏం రాలేదు. ఈ మధ్యే మమ్ముట్టితో ఓ సినిమా సైన్ చేసారని వార్తలు వినిపించినా.. దానిపైనా క్లారిటీ లేదు. అయితే ఒక్కటి మాత్రం నిజం.. ఏం చేసినా ఇకపై గ్యాప్ అయితే తీసుకోకూడదని ఫిక్సైపోయారు స్యామ్. కొన్ని రోజులుగా కేవలం యాడ్స్ మాత్రమే చేస్తున్నారు సమంత(Samantha). అది కూడా సౌత్ కాదు.. బాలీవుడ్ నటులతోనే కమర్షియల్స్‌లో నటిస్తున్నారు.
Samantha Movies…
మరోవైపు సినిమాల కంటే ఎక్కువగా వెబ్ సిరీస్‌లకు సైన్ చేస్తున్నారు సమంత. రాజ్ డికే దర్శకత్వంలోనే సిటాడెల్ పూర్తైన తర్వాత.. రక్త్ బ్రహ్మాండ్‌కు ఓకే చెప్పారీమే. ఇది ఫాంటసీ యాక్షన్ వెబ్ సిరీస్. రక్త్ బ్రహ్మాండ్‌తో పాటు మరో రెండు వెబ్ సిరీస్‌లు స్యామ్ ఒప్పుకున్నారని తెలుస్తుంది. మ్యాటర్ ఏదైనా.. గ్యాప్ తీసుకోకూడదనేది స్యామ్ ప్లాన్. అందుకే వరసగా కథలు వింటున్నారు. ఐతే వెబ్ సిరీస్‌లు మాత్రమే చేస్తుండటం చూస్తుంటే.. సినిమాలు చేస్తారా లేదా అనే అనుమానాలు ఫ్యాన్స్‌లో వస్తున్నాయి. నటనతో పాటు ఫోటోషూట్స్‌కు టైమ్ బానే ఇస్తున్నారు.
Also Read : Pooja Hegde : సైలెంట్ గా పాన్ ఇండియా సినిమాలో తన పోర్షన్ కూడా పూర్తి చేసుకున్న పూజ