Somi Ali : అండర్‌ వరల్డ్‌ డాన్‌ దావుద్ ఇబ్రహీంని ఉద్దేశించి బాలీవుడ్‌ హీరో సల్మాన్‌ఖాన్‌ మాజీ ప్రేయసి సోమీ అలీ(Somi Ali) మాట్లాడారు. అండర్‌వరల్డ్‌ నుంచి సల్మాన్‌కు గతంలో బెదిరింపులు వచ్చాయని ఇటీవల ఓ ఇంటర్వ్యూలో ఆమె చెప్పారు. ‘‘ నేను బాలీవుడ్‌లో వర్క్‌ చేసిన సమయంలో దావుద్ ఇబ్రహీం, చోటా షకీల్‌ గురించి చాలామంది నటీనటులు మాట్లాడుకోవడం విన్నాను. వీరిలో ఎవరూ ప్రత్యక్షంగా మాట్లాడుకునేవారు కాదు. ‘ అండర్‌ వరల్డ్‌’ అని కోడ్‌ లాంగ్వేజ్‌లో మాట్లాడుకునేవారు.
సల్మాన్‌తో కలిసి గ్యాలెక్సీ నివాసంలో ఉన్న సమయంలో ఆయనకు ఓసారి అండర్‌వరల్డ్‌ నుంచి బెదిరింపు కాల్‌ వచ్చింది. ఫోన్‌ ఎవరు చేశారో తెలియదు కానీ.. అతడు మాత్రం బెదిరింపులకు పాల్పడ్డాడు. ‘ సల్మాన్‌కు చెప్పు.. ఆయన ప్రియురాలిని మేము కిడ్నాప్‌ చేయనున్నామని’’ అన్నారు. అతడి మాటలతో నాకెంతో భయం కలిగింది. వెంటనే ఆ విషయాన్ని సల్మాన్‌కు చెప్పాను. ఆయన కూడా కంగారుపడ్డారు. పరిస్థితులు చక్కబడేలా చేశారు. ఆ ఫోన్‌ చేసిన వ్యక్తి ఎవరో తెలుసుకుందామని ఎన్నోసార్లు ప్రయత్నించా. సల్మాన్‌నూ అడిగా. ‘ ఈ విషయాలకు ఎంత దూరంగా ఉంటే అంత మంచిది’ అని ఆయన చెప్పారు’’ అని సోమీ అలీ తెలిపారు.
Somi Ali Comment
సోమీ అలీ బాలీవుడ్‌లో ‘ఆందోళన్‌’, ‘మాఫియా’ వంటి చిత్రాలతో గుర్తింపు తెచ్చుకున్నారు. సల్మాన్‌ఖాన్‌ – సోమీ అలీ ప్రధాన పాత్రల్లో గతంలో ఓ చిత్రాన్ని ప్రకటించారు. చిత్రీకరణ దశలో ఉండగానే ఈ సినిమా ఆగిపోయింది. ఈ సినిమా షూటింగ్‌ సమయంలోనే సోమీ – సల్మాన్ ప్రేమలో పడినట్లు అప్పట్లో వార్తలు చక్కర్లు కొట్టాయి. ఈ విషయంపై ఓ సందర్భంలో సోమీ స్పందిస్తూ ‘సల్మాన్ అంటే నాకెంతో ఇష్టం. సల్మాన్‌కు నా ప్రేమను తెలియజేశా’ అని చెప్పారు. కారణాలు తెలీదు కానీ వీరిద్దరూ కొన్నాళ్లకు దూరమయ్యారు.
Also Read : Varun Tej : ‘మట్కా’ స్టోరీ పై క్లారిటీ ఇచ్చిన హీరో వరుణ్ తేజ్