క‌న్న‌డ సినీ ద‌ర్శ‌కుడు ప్ర‌శాంత్ నీల్ పైనే అంద‌రి క‌ళ్లు ఉన్నాయి. కార‌ణం త‌ను య‌ష్ తో తీసిన కేజీఎఫ్ మూవీ. ఫ్యాన్స్ కే కాదు సినీ రంగానికి చెందిన వాళ్ల‌కు సైతం పిచ్చెక్కించేలా చేశాడు. టేకింగ్, మేకింగ్ లో త‌న‌కు ఎదురే లేద‌ని చాటాడు డైరెక్ట‌ర్. కేజీఎఫ్ బిగ్ స‌క్సెస్ కావ‌డంతో దానికి సీక్వెల్ గా కేజీఎఫ్ -2 తెచ్చాడు. అది కూడా బ్లాక్ బ‌స్ట‌ర్ గా నిలిచింది.
గ్యాప్ త‌ర్వాత త‌ను డార్లింగ్ ప్ర‌భాస్ తో స‌లార్ తీశాడు. ఈ చిత్రానికి సంబంధించి పోస్ట‌ర్స్ దుమ్ము రేపుతున్నాయి. సోష‌ల్ మీడియాను షేక్ చేస్తున్నాయి. ఇందులో ప్ర‌భాస్ తో పాటు పృథ్వీరాజ్ సుకుమారన్ న‌టిస్తుండ‌డం విశేషం. లోక నాయ‌కుడు క‌మ‌ల్ హాస‌న్ త‌న‌య శ్రుతీ హాస‌న్ లో కీల‌క పాత్ర పోషించింది స‌లార్ నీల్ చిత్రంలో.
మ‌రో వైపు స‌లార్ చిత్రానికి సంబంధించి డేట్స్ కుద‌ర‌క మార్చుతూ వచ్చాడు ద‌ర్శ‌కుడు నీల్. దీంతో ప్ర‌భాస్ ఫ్యాన్స్ తీవ్ర ఆగ్ర‌హం వ్య‌క్తం చేశారు. అయినా డైరెక్ట‌ర్ ఎక్క‌డా చెక్కు చెద‌ర‌లేదు. తాజాగా ప్ర‌తి నాయ‌కుడి పాత్ర వ‌ర్ద‌రాజ మ‌న్నార్ పాత్ర‌లో న‌టించిన పోస్ట‌ర్ ను రిలీజ్ చేశాడు నీల్. ఇప్పుడు ఈ పోస్ట‌ర్ వైరల్ గా మారింది. కెవ్వు కేక అంటున్నారు ఫ్యాన్స్. ఇదిలా ఉండ‌గా డిసెంబ‌ర్ 22న ప్ర‌పంచ వ్యాప్తంగా ఈ చిత్రం రిలీజ్ కాబోతోంది.