Salaar: యంగ్ రెబల్ స్టార్ ప్రభాస్ హీరోగా… ‘కేజీఎఫ్‌’ సిరీస్ దర్శకుడు ప్రశాంత్ నీల్ దర్శకత్వంలో తెరకెక్కుతున్న భారీ బడ్జెట్ సినిమా ‘సలార్‌’. డిసెంబర్ 22న విడుదలకు సిద్ధంగా ఉన్న ఈ సినిమాకు సంబంధించిన ట్రైలర్ ను డిసెంబరు 1న విడుదల చేయనున్నట్లు ప్రకటించింది. ఈ సందర్భంగా దర్శకుడు ప్రశాంత్ నీల్ ఓ ఛానెల్ కు ఇచ్చిన ఇంటర్వూలో ఆశక్తికరమైన విషయాలు వెల్లడించారు.
Salaar – శత్రువులుగా మారిన ఇద్దరు స్నేహితుల కథ
‘సలార్‌’ సినిమా ప్రభాస్ వ్యక్తిత్వానికి దగ్గరగా ఉండే సినిమా. ఎవ్వరికీ సాధ్యం కాని రీతిలో ప్రభాస్ ఈ సినిమాలో కనిపిస్తారు. యాక్షన్ తో పాటు మంచి నటనతో ప్రభాస్ ప్రేక్షకులను అలరిస్తారు. బద్ధ శత్రువులుగా మారిన ఇద్దరు మిత్రుల కథ ‘సలార్‌(Salaar)’. ప్రభాస్, పృథ్వీరాజ్‌ సుకుమారన్‌ స్నేహితులుగా/ శత్రువులగా నటిస్తున్న ఈ సినిమాను రెండు పార్టుల్లో తెరకెక్కిస్తున్నట్లు ఆయన తెలిపారు.
మొదటి పార్టును డిసెంబరు 22న ప్రేక్షకులకు ముందుకు తీసుకువస్తున్నమన్నారు. ‘కేజీఎఫ్‌’ సినిమాను రెండు పార్టులుగా తీయాలని షూటింగ్ కు ముందు అనుకోలేదని… అయితే ‘సలార్‌’ సినిమా షూటింగ్ కు ముందే రెండు పార్టులుగా తెరకెక్కించడానికి నిర్ణయం తీసుకున్నట్లు తెలిపారు. ఈ సినిమాలో ప్రభాస్ సరసన శృతిహాసన్ హీరోయిన్ గా నటిస్తోంది.
Also Read : Shah Rukh Khan: కింగ్ ఖాన్ సరికొత్త రొమాన్స్