Saiee Manjrekar: సల్మాన్ ఖాన్ హీరోగా వచ్చిన యాక్షన్‌ కామెడీ చిత్రం ‘దబాంగ్‌ 3’తో ఇండస్ట్రీకి ఎంట్రీ ఇచ్చారు నటి సయీ మంజ్రేకర్(Saiee Manjrekar). అయితే ఈ సినిమాలో తన కంటే 37 ఏళ్ళు పెద్ద అయిన సల్మాన్ ఖాన్ సరసన నటించడంపై ఆమె గతంలో సోషల్ మీడియా నుండి అనేక విమర్శలు ఎదుర్కొంది. కాని ఈ సినిమా తర్వాత బాలీవుడ్‌, టాలీవుడ్‌ లలో అవకాశాలు అందుకున్నారు. తొలి సినిమానే తనకంటే 37 ఏళ్ల పెద్ద నటుడి సరసన నటించడంపై తాజాగా ఆమె స్పందించారు.
Saiee Manjrekar Movie Updates
‘నేను ఇండస్ట్రీకి వచ్చిన తొలినాళ్లలో సల్మాన్ సరసన అవకాశం వచ్చింది. వెంటనే అంగీకరించాను. అప్పట్లో నాకు పీఆర్‌ టీమ్‌ లేదు. అందుకే ఏమీ తెలియదు. నన్ను వెండితెరపై చూసుకోవాలనే లక్ష్యం ఉండేది. బిగ్‌ స్టార్‌ సరసన అవకాశం రావడంతో ఎంతో సంతోషించాను. కానీ ఆ సినిమా విడుదలయ్యాక నాపై విమర్శలు వచ్చాయి. 37ఏళ్ల పెద్ద నటుడితో సినిమాలో నటించినందుకు ట్రోల్‌ చేశారు. అవి నాపై ప్రభావం చూపకూడదని ఆరు నెలలు సోషల్ మీడియాకు దూరంగా ఉన్నాను. అయినా… నేను చాలా స్ట్రాంగ్‌ పర్సన్‌ని. ఇలాంటివి నన్ను ప్రభావితం చేయవు. ఎవరైనా పొగిడితే సంతోషిస్తాను. విమర్శిస్తే.. వాటిని రాసుకొని సరిచేసుకునే ప్రయత్నం చేస్తాను’ అని చెప్పారు.
2019లో ఇండస్ట్రీకి వచ్చిన సయీ మంజ్రేకర్ ఆ తర్వాత తెలుగులో వరుణ్‌తేజ్‌ సరసన ‘గని’తో టాలీవుడ్‌కు ఎంట్రీ ఇచ్చారు. అడివి శేష్‌తో ‘మేజర్‌’లో నటించి విజయాన్ని అందుకున్నారు. గతేడాది ‘స్కంద’తో మరోసారి పలకరించారు. ఈ ఏడాది రెండు హిందీ సినిమాలతో అలరించేందుకు సిద్ధమయ్యారు.
Also Read : Madhuri Dixit: రూ 1.5 కోట్ల విలువైన స్విగ్గీ షేర్స్ కొనుగోలు చేసిన మాధురీ దీక్షిత్ !