S. S. Rajamouli: తెలుగు చలన చిత్ర పరిశ్రమను అంతర్జాతీయ స్థాయికి తీసుకెళ్లిన దర్శక ధీరుడు రాజమౌళి… తన కుటుంబం విషయానికి వచ్చే సరికి ఫ్యామిలీమెన్‌ గా గుర్తింపు పొందారు. తాను ఏ ప్ర‌దేశానికి వెళ్లినా కుటుంబంతోనే వెళ్తూ ఉంటాడు. ఫ్యామిలీ ఫంక్ష‌న్‌లకు కూడా తన భార్య ర‌మా రాజమౌళితో కలిసి వెళ్లారు. అయితే ఇటీవల మైత్రి మూవీ మేకర్స్‌ సీఈవో, నిర్మాత చెర్రీ కుమార్తె వివాహానికి సతీ సమేతంగా హజరైన రాజమౌళి… ఆ ఫంక్షన్ లో ప్రేమికుడు సినిమాలోని అందమైన ప్రేమరాణి ఉత్త‌రాల‌కే అనే పాటకు తన భార్య రమతో కలిసి ఆయన డ్యాన్స్ వేసారు. దీనితో ఆ వీడియో సోషల్ మీడియాలో బాగా వైరల్ అయింది. ఇది చూసిన వారంతా రాజ‌మౌళిలో డ్యాన్స్ కళ కూడా ఉండటంతోనే ఆర్ఆర్ఆర్ లో నాటు నాటు పాటకు ఆస్కార్ వచ్చిందంటూ కామెంట్లు పెట్టారు.
S. S. Rajamouli Dance Viral
అయితే ఈ డ్యాన్స్ ఫెర్ఫార్మెన్స్ కు సంబంధించిన రిహార్సల్స్‌ వీడియో తాజాగా బయటకు వచ్చింది. ప్రభుదేవా ఆల్‌టైమ్‌ హిట్స్‌లో ఒకటైన ‘అందమైన ప్రేమరాణి’ పాటకు వీరిద్దరూ స్టెప్పులేశారు. దీనికి సంబంధించిన రిహార్సల్స్‌ వీడియో ప్రస్తుతం నెట్టింట వైరల్ గా మారుతోంది. రాజమౌళి(S. S. Rajamouli)-రమ డ్యాన్స్ ప్రాక్టీస్ చేస్తున్న క్లిప్‌ను చూసిన నెటిజన్లు ప్రశంసిస్తున్నారు. అంతేకాదు ఫ్యామిలీ ఫంక్షన్లో వేసే డ్యాన్స్ కు కూడా… రాజమౌళి ఇంత డెడికేషన్ తో డ్యాన్స్ ప్రాక్టీస్ చేస్తారా అంటూ నెటిజన్లు అవాక్కవుతున్నారు.
ఇక సినిమాల విషయానికి వస్తే… ఆర్ఆర్ఆర్ వంటి గ్లోబ‌ల్ బ్లాక్‌ బ‌స్ట‌ర్ త‌ర్వాత రాజమౌళి(S. S. Rajamouli)… సూప‌ర్ స్టార్ మ‌హేశ్‌బాబుతో ‘ఎస్‌ఎస్‌ఎంబీ 29’ వర్కింగ్ టైటిల్ తో సినిమా తెర‌కెక్కిస్తున్న సంగ‌తి తెలిసిందే. రాజమౌళి తండ్రి విజయేంద్ర ప్రసాద్ ను కథను సిద్ధం చేయగా… ఇప్ప‌టికే ప్రీ ప్రొడక్షన్ పనుల్లో చిత్ర యూనిట్ బిజీగా ఉంది. ఫారెస్ట్ అడ్వంచర్ థ్రిల్లర్ గా తెరకెక్కబోయే ఈ సినిమాకోసం మ‌హేశ్ బాబు… ఇటీవలే ఓ స్పెష‌లిస్ట్ ట్రైనర్ సమ‌క్షంలో జిమ్ శిక్ష‌ణ తీసుకుని… స్క్రీన్ టెస్టులు కూడా పూర్తి చేశారు. ఈ సినిమా కోసం ఇండోనేషియా నటి చెల్సియా ఎలిజబెత్‌ ఇస్లాన్‌ హీరోయిన్‌గా నటించే అవకాశం ఉందని సమాచారం.
Also Read : Suraj Meher: నిశ్చితార్థం రోజే రోడ్డు ప్రమాదంలో నటుడి దుర్మరణం !