Rukmini Vasanth: ‘సప్త సాగరాలు దాటి’ సినిమాలో తన నటనతో ప్రేక్షకులను మంత్రముగ్ధులను చేసిన రుక్మిణి వసంత్… దర్శకనిర్మాతల దృష్టిని కూడా ఆకర్షించింది. రెండు భాగాలుగా విడుదలైన ‘సప్త సాగరాలు దాటి’ సినిమాలో తన అందం, అభినయంతో అందరినీ ఆకట్టుకుంది. ఎమోషనల్ పాత్రలో అందర్నీ మెప్పించి టాలీవుడ్‌లో మంచి పాపులారిటీని సొంతం చేసుకుంది. దీనితో ఇప్పటికే కోలీవుడ్ లో ఒక భారీ ప్రాజెక్ట్‌ను ఫైనల్‌ చేసుకున్న ఈ బ్యూటీ… తెలుగులో కూడా నటించేందుకు పలు స్టోరీలను వింటోంది. అయితే తాజాగా ఆమె ఓ భారీ పాన్ ఇండియా మూవీలో ఛాన్స్ దక్కినట్లు తెలెస్తోంది. కన్నడ స్టార్ హీరో రిషబ్ శెట్టి నటించి దర్శకత్వం వహించిన కాంతార సినిమాకు ప్రీక్వెల్ గా తెరకెక్కిస్తున్న ‘కాంతార: చాప్టర్‌ 1’ సినిమాకు రుక్మిణి వసంత్ ఫైనల్‌ అయినట్లు ఇండిస్ట్రీలో ప్రచారం జరుగుతుంది.
Rukmini Vasanth Movie Update
‘సప్త సాగరాలు దాటి’ సినిమాలో తన యాక్టింగ్ టాలెంట్ చూసిన కాంతారా చిత్ర యూనిట్… తమ బిగ్‌ ప్రాజెక్ట్ కు రుక్మిణి వసంత్‌ను(Rukmini Vasanth) ఎంపిక చేసినట్లు సమాచారం. ఇప్పటికే ఆమెతో హోంబలే ఫిల్మ్స్‌ సంస్థ వారు చర్చలు కూడా జరిపారట. ‘కాంతార: చాప్టర్‌ 1’ కోసం రిషబ్ సొంత గ్రామం అయిన కెరడిలో ఒక భారీ సెట్‌ ను కూడా క్రియేట్‌ చేశారట. అందులో రుక్మిణికి తాజాగా లుక్‌ టెస్ట్‌ కూడా జరిపారట మేకర్స్‌… అందులో ఆమె సక్సెస్‌ అయినట్లు తెలుస్తోంది. త్వరలో అధికారిక ప్రకటన కూడా వస్తుందని టాక్‌. దీనితో చిన్న సినిమాతో ఇండస్ట్రీలో అడుగుపెట్టి… పాన్ ఇండియా ప్రాజెక్ట్ ను సొంతం చేసుకుంది ‘రుక్మిణి వసంత్’.
‘సప్త సాగరాలు దాటి’ సినిమా తర్వాత టాలీవుడ్ లో రుక్మిణి పేరు మరింత పాపులర్ అయ్యింది. సినిమా ఛాన్సులు క్యూ కడుతున్నాయి. ఆ మధ్య విజయ్ దేవరకొండ లేటెస్ట్ మూవీ కోసం ఈ ముద్దుగుమ్మ పేరును పరిశీలించారట. ఆ తర్వాత మాస్ మహారాజ రవితేజ సినిమా విషయంలో కూడా రుక్మిణి వసంత్ పేరు వినిపించింది. ఓ వైపు తెలుగులో ఇలా రుక్మిణి పేరు పాపులర్ అవుతుండగానే మరోవైపు కోలీవుడ్ నుంచి ఆమెకు మరో క్రేజీ ఆఫర్ వచ్చింది. స్టార్ డైరెక్షర్ మురుగుదాస్- శివకార్తికేయన్ కాంబోలో తెరకెక్కుతున్న సినిమాలో రుక్మిణి వసంత్ ఛాన్స్ పట్టేసింది. కథల ఎంపిక విషయంలో ఆమె చాలా తెలివిగా అడుగులేస్తున్న ‘రుక్మిణి వసంత్’… తాజాగా ‘కాంతార: చాప్టర్‌ 1’ ఛాన్స్ ను ఒడిసి పట్టి పాన్ ఇండియా హీరోయిన్ గా ఎదగబోతుంది.
Also Read : Shruti Marathe: ‘దేవర’లో తన పాత్ర రివీల్‌ చేసిన గుజరాతీ బ్యూటీ !